Samantha-Vijay : టాలీవుడ్ లో ఫ్యాన్స్ తో ముద్దుగా రౌడీ స్టార్ అని పిలిపించు కుంటున్న యంగ్ అండ్ టాలెంటెడ్ హీరో విజయ్ దేవరకొండ లైగర్ వంటి ప్లాప్ వచ్చిన కూడా త క్రేజ్ మాత్రం తగ్గలేదని నిరూపిస్తూనే ఉన్నాడు. తక్కువ సమయంలోనే ఇండస్ట్రీలో ఒక మంచి హీరోగా ఎదిగి తనకంటూ స్పెషల్ ఫాలోయింగ్ ను సొంతం చేసుకున్నాడు.. ఈయనకు పాన్ ఇండియా వ్యాప్తంగా ఫ్యాన్స్ ఉన్నారు.
లైగర్ సినిమా హిట్ అయి ఉంటే ఈయన కెరీర్ మరోలా ఉండేది కానీ ఇది ప్లాప్ అయ్యింది. ఇది పక్కన పెడితే ప్రస్తుతం విజయ్ ఖుషి సినిమా చేస్తున్నాడు. విజయ్ హీరోగా సమంత హీరోయిన్ గా శివ నిర్వాణ దర్శకత్వంలో తెరకెక్కుతున్న లేటెస్ట్ మూవీ ఖుషి. ఈ సినిమాపై టాలీవుడ్ లో ఇప్పటికే భారీ అంచనాలు నెలకొన్నాయి.. ముఖ్యంగా విజయ్, సామ్ కాంబో తెరమీద చూసేందుకు ఫ్యాన్స్ ఆసక్తి చూపిస్తున్నారు.
మైత్రి మూవీ మేకర్స్ నిర్మిస్తున్న ఈ సినిమా రొమాంటిక్ లవ్ స్టోరీగా తెరకెక్కుతుంది. సెప్టెంబర్ 1న రిలీజ్ కాబోతున్నట్టు మేకర్స్ ఇప్పటికే ప్రకటించారు. ఇక ఈ సినిమా షూట్ స్టార్ట్ అయ్యి ఏడాది అయ్యింది. ఈ క్రమంలోనే విజయ్ తో తన స్నేహం గురించి ఒక ఇంట్రెస్టింగ్ పోస్ట్ ను సామ్ షేర్ చేయగా అది నెట్టింట వైరల్ అయ్యింది.
”విజయ్ మీ బెస్ట్ ను చూసా.. బ్యాడ్ ను చూసా.. నవ్వు ముందు రావడాన్ని చూసా.. చివరికి వచ్చేది చూసా.. మీ ఎదుగుదలను చూసా.. మీ పతనాన్ని చూసా.. కొంత మంది స్నేహితులు మనతోనే నిలబడి ఉంటారు.. ఇలా మీతో ఈ ఏడాది ఎంత బాగా గడిచిందో.. అంటూ లవ్ ఎమోజీలతో పాటు ఒక పిక్ కూడా పంచుకోగా తమ మధ్య ఉన్న స్నేహాన్ని సామ్ చెప్పిన తీరు అందరిని ఆకట్టుకుంటుంది.. సామ్ కష్టసమయంలో విజయ్ తనకు అండగా నిలిచాడని చెప్పకనే చెప్పింది.
