MLA Harish Rao : ఈరోజు శాసనసభ స్పీకర్కు ఎమ్మెల్యే హరీష్ రావు రాజీనామా లేఖ రాశారు. రాజీనామా లేఖతో గన్ పార్క్ వద్దకు హరీష్ రావు చేరుకుని మాట్లాడారు. ఆగస్టు 15 లోపు అసెంబ్లీ ఎన్నికల సమయంలో కాంగ్రెస్ పార్టీ ఇచ్చిన హామీలు అమలు చేస్తే తన రాజీనామాను ఆమోదించాలని లేఖలో స్పీకర్ను కోరినట్లు బీఆర్ఎస్ ఎమ్మెల్యే హరీష్ రావు తెలిపారు.
ఆగస్టు 15 లోగా రుణమాఫీ చేయాలన్న హరీశ్ రావు సవాలును స్వీకరిస్తున్నానని సీఎం రేవంత్ రెడ్డి ఇదివరకు తెలిపారు. ‘పంద్రాగస్టులొపు రూ.2 లక్షల రుణమాఫీ చేసి తీరతాం. హరీశ్ తన రాజీనామా లేఖను రెడీగా పెట్టుకోవాలి. రైతులకు రుణమాఫీ చేయకపోతే మాకెందుకు అధికారం..? మీలా దోచుకోకుండా ఉంటే రూ.40 వేల కోట్లు ఇవ్వడమో లెక్కా ..?’ అని వ్యాఖ్యానించారు. రాజీనామా లేఖను స్పీకర్ ఫార్మాట్ లో ఇవ్వాలని హరీశ్ రావుకు సూచించారు. ఈ నేపథ్యంలో హరీశ్ రావు తన రాజీనామా లేఖను రాసి గన్ పార్క్ వద్దకు వెళ్లారు.