![Supreme Hero Chiranjeevi](https://jaiswaraajya.tv/wp-content/uploads/2024/05/WhatsApp-Image-2024-05-24-at-12.00.41-PM.jpeg)
Supreme Hero Chiranjeevi : టాలీవుడ్ లో మెగాస్టార్ గా ఎదిగిన చిరంజీవి ముందు నుంచి తన తోటి నటీనటులతో సెట్లో ఎంతో సరదాగా ఉండేవాడు. నెంబర్ వన్ హీరోగా ఎదిగినా ఇప్పటికీ అంతే సరదా ఉంటారని అప్పటి నటులతో పాటు ఇప్పటి యాక్టర్లు కూడా చెబుతుంటారు. ఎలాంటి బ్యాక్ గ్రౌండ్ లేకుండా తన టాలెంట్ తో విలన్ క్యారెక్టర్ల నుంచి మాస్ హీరోగా ఎదిగారు. సీనియర్ ఎన్టీఆర్ తర్వాత మళ్లీ అంతటి మాస్ ఇమేజ్ ఉన్న హీరో చిరంజీవి అంటే అతిశయోక్తి కాదు. తెలుగు తెరకు సరికొత్త స్టెప్పులను పరిచయం చేసింది చిరంజీవే.
మెగాస్టా్ర్ చిరంజీవికి పలువురు డైరెక్టర్లతో సూపర్ హిట్ కాంబినేషన్ అనే పేరు ఉంది. ఇందులో ముందున్నది కోదండరామిరెడ్డి, విజయబాపినీడు, కే రాఘవేంద్రరావు. చిరంజీవి-కోదండ రామిరెడ్డి కాంబినేషన్ లో దాదాపు 20కి పైగా చిత్రాలు వచ్చాయి. ఇందులో దాదాపు అన్నీ హిట్లే. అలాగే చిరంజీవి– విజయబాపినీడు కాంబినేషన్లో ఆరు సినిమాలు వచ్చాయి. ఇందులో బిగ్బాస్ సినిమా మినహా మిగతా అన్ని సినిమాలు సూపర్ హిట్లే.
1983లో ఖైదీ సినిమాతో మాస్ హీరోగా స్టార్ డమ్ సొంతం చేసుకున్నారు చిరంజీవి. అప్పుడు చిరంజీవిని సుప్రీం హీరో ట్యాగ్ తో పిలిచేవారు. వరుస సినిమాలతో దూసుకెళ్తున్న చిరంజీవిని ఓ సినిమా షూటింగ్ సమయంలో అప్పటి స్టార్ హీరోయిన్లు టీజ్ చేస్తున్న ఫొటో బయటికి రాగా వైరల్ గా మారింది. 1986లో మగధీరుడు సినిమా షూటింగ్ జరుగుతుండగా, అదే సమయంలో పక్కనే ప్రెసిడెంట్ గారి అబ్బాయి చిత్రం షూటింగ్ కూడా అక్కడే జరిగింది. షూటింగ్ గ్యాప్ లో అప్పటి స్టార్ హీరోయిన్లు జయసుధ, సుహాసిని, సుమలత చిరంజీవిని ఆటపట్టించారు. ఆ సమయంలో తీసిన ఈ ఫొటో సోషల్ మీడియాలో వైరల్ గా మారింది. చిరంజీవి, జయసుధ కాంబినేషన్ లో వచ్చిన ఒకే ఒక్క చిత్రం మగధీరుడు. మళ్లీ వారి కాంబినేషన్ మరో సినిమా రాలేదు. ఇక అప్పటి స్టార్ హీరోయిన్లు రాధ, రాధిక, సుహాసిని, సుమలత ఏదేని వేదికలో ఇప్పటికీ చిరంజీవిని ఆటపట్టిస్తున్నారు.