Beer : బీరు మజా అస్వాదించని వారు ఉండరు. నేటి ట్రెండీ కాలంలో ఆడ, మగ తేడాలేకుండా తెగ తాగేస్తున్నారు. బీరు టేస్ట్ దొరికిందా ఇక వదలడం కష్టం. అన్ని లిక్కర్ వెరైటీల్లో కెల్ల బీరుకున్న క్రేజ్ చెప్పలేం. ఎండాకాలంలో బీరు తాగకుంటే బీరు ప్రియులకు నోరు ఎండిపోతుందనుకోండి. అయితే బీర్ ను ఎక్కువగా తాగొద్దు..తాగితే అనారోగ్యం బారిన పడుతారు అని పెద్దలు చెప్తుంటారు.
అయితే తాజాగా ఓ పరిశోధనలో బీరు మితంగా తాగితే ఎన్నో ప్రయోజనాలు ఉన్నాయని తేలిందని డాక్టర్లు గుడ్ న్యూస్ మోసుకొచ్చారు. అతిగా తాగితే మాత్రం ప్రాణాలకు ప్రమాదమేనని కూడా హెచ్చరిస్తున్నారు. బీరు తాగితే కలిగే ప్రయోజనాలు ఏంటో ఓ సారి చూద్దామా మరి..
బీరులో ఆల్కహాల్ ఉంటుంది. అందుకే బీరు ఆరోగ్యానికి హానికరమని డాక్టర్లు చెబుతుంటారు. ఆల్కహాల్ తాగడం వల్ల లివర్, లంగ్స్ దెబ్బతింటాయి. కానీ బీరును మితంగా తాగితే ఆరోగ్యమే అని అంటున్నారు. బీరులో శరీరానికి మేలు చేసే కాల్షియం, ఫాస్ఫరస్, పొటాషియం, మెగ్నీషియం వంటి పోషకాలు ఉంటాయి. వీటిని అందించే బీరును లిమిట్ గా తాగడం వల్ల గుండె ఆరోగ్యంగా ఉండి హృదయ సంబంధ వ్యాధులను తగ్గిస్తుంది. కిడ్నీలను రక్షించడంతో పాటు రాళ్లను కరిగిస్తుంది. రక్తంలో చక్కెర స్థాయిలను కంట్రోల్ చేస్తుంది. ఆయుష్షును పెంచుతుంది. కొలెస్ట్రాల్ స్థాయిలను తగ్గించి మంచి కొవ్వును పెంచుతుంది. ఇన్నీ మంచి గుణాలు ఉన్న బీరును రోజుకు ఓ గ్లాస్ తాగడం మంచిదే అంటున్నారు డాక్టర్లు.