ఒక ఇంటర్వ్యూలో అతను తన ఆరోగ్య విషయాలను పంచుకున్నాడు. తాను స్మోక్ చేయనని, అధికంగా మద్యం తీసుకోనని, అప్పుడప్పుడు మాత్రమే మద్యం తాగుతానని చెప్పారు.
తన ఆరోగ్య సంక్షోభం గురించి ప్రస్తావిస్తూ.. కొవిడ్ వ్యాక్సిన్ తన కార్డియాక్ అరెస్ట్ కు కారణం అయ్యే అవకాశం ఉందని. వ్యాక్సినేషన్ తర్వాత అలసట కలుగుతుందని, ఆయన బహిరంగంగా తన అభిప్రాయం తెలిపాడు.
డయాబెటిస్ లేదు, రక్తపోటు లేదు, ఏమీ లేకపోయినా గుండె పోటు రావడానికి కారణం ఏమిటి?’ అని ఆయన అన్నారు.
‘నేను సిద్ధాంతాన్ని ఖండించను. కొవిడ్-19 వ్యాక్సిన్ తీసుకున్న తర్వాతే నాకు అలసట, ఆయాసం మొదలైంది. అది కొవిడ్ వల్ల కావచ్చు, లేదంటే వ్యాక్సిన్ వల్ల కావచ్చు, కానీ ఆ తర్వాత ఏదో జరిగింది.. ఇది దురదృష్టకరం ఎందుకంటే మన శరీరంలో ఏం జరుగుతుందో మనకు నిజంగా తెలియదు. మేము కంపెనీలను విశ్వసించాము.. వారు చెప్పిన విషయాలను అనుసరించాం. కొవిడ్ ముందు ఇలాంటి గుండెపోటు ఘటనలు ఎప్పుడూ వినలేదన్నారు.
గత డిసెంబర్ లో వెల్ కమ్ 3 షూటింగ్ సమయంలో శ్రేయాస్ తల్పాడేకు గుండెపోటు వచ్చింది. ఓ సినిమా కోసం యాక్షన్ సీక్వెన్స్ షూట్ చేసిన తర్వాత శ్వాస తీసుకోవడంలో ఇబ్బంది, ఎడమ చేయి నొప్పి వచ్చిందని వివరించారు.
ఇటీవల విడుదలైన పుష్ప 2 హిందీ లిరికల్ సాంగ్ వీడియోలో అల్లు అర్జున్ కు తల్పాడే వాయిస్ డబ్బింగ్ చెప్పడం వినిపిస్తుంది.