కువైట్ లో విమాన ధరలకు ఒక్కసారిగా రెక్కలు వచ్చాయి. ఈ ధరలు మాములుగా పెరగడం కాదు సుమా ! ఏకంగా 70 శాతం నుండి 150 శాతం వరకు పెరిగాయి. దాంతో ప్రయాణీకులు లబోదిబో మంటున్నారు. అసలే రంజాన్ మాసం కావడంతో పెద్ద ఎత్తున కువైట్ నుండి ఈజిప్టు , యూకే , యూఏఈ , టర్కీ లకు వెళ్లారు.
అలా ఆయా దేశాలకు వెళ్లిన వాళ్లకు తడిసి మోపెడైంది. పెద్ద ఎత్తున ప్రయాణీకులు తరలి రావడంతో ఆ డిమాండ్ కు అనుగుణంగా ప్రత్యేక విమానాలను కూడా నడిపించింది కువైట్. దాంతో సాధారణంగా ఉండే రేట్లు కాస్త 70 శాతం నుండి 150 శాతానికి పెరిగాయి. ఏప్రిల్ 28 నుండి మే 7 వరకు 2800 విమాన సర్వీసులను నడిపిస్తున్నామని పేర్కొంది కువైట్.
