మహానటులు నందమూరి తారకరామారావు తన సహనటీనటులతో చాలా మర్యాదపూర్వకంగా ఉండేవారు. అప్పట్లో చిన్న – పెద్ద ఆర్టిస్ట్ అనే తేడా లేకుండా అందరూ కలిసి భోజనం చేసేవాళ్ళు. దాంతో నటీనటుల మధ్య మరింత స్నేహం ఏర్పడింది. అలా అన్న నందమూరి తారకరామారావు తో ప్రముఖ హాస్య నటులు పేకేటి శివరాంకు మంచి స్నేహం ఏర్పడింది. పేకేటి శివరాం అప్పట్లో చాలా పేరెన్నికగన్న హాస్య నటులు.
1954 లో వద్దంటే డబ్బు చిత్రంలో ఎన్టీఆర్ , పేకేటి శివరాం లు కలిసి నటించారు. ఆ సమయంలో దిగిన ఫోటో వాళ్ళ మధ్య నున్న అనుబంధాన్ని తెలియజేస్తోంది. అన్న నందమూరి తారకరామారావు మెడమీద చేయి వేసి మరీ ఫోటోకు ఫోజిచ్చారు పేకేటి. ఎన్టీఆర్ పేకేటికి ఎంత గౌరవం ఇచ్చేవారో ఈ ఫోటో చూస్తే అర్థమౌతోంది. త్రో బ్యాక్ పిక్ ఇలా ఇప్పుడు సోషల్ మీడియాలో వైరల్ గా మారింది.
