సమంత ప్రధాన పాత్రలో నటించిన చిత్రం ” శాకుంతలం ”. గుణశేఖర్ దర్శకత్వంలో తెరకెక్కిన ఈ చిత్రం పాన్ ఇండియా చిత్రంగా రూపొందింది. దిల్ రాజు నిర్మాణ భాగస్వామ్యంలో గుణశేఖర్ భార్య నీలిమ గుణ ఈ చిత్రాన్ని నిర్మించింది. శకుంతల పాత్రలో రాణిగా నటించింది సమంత. తనని తాను రాణిగా చూసుకోవడం పట్ల చాలా సంతోషంగా ఉంది ఈ భామ.
గ్రాఫిక్స్ ఎక్కువగా ఉన్న ఈ సినిమాని నవంబర్ 4 న ప్రపంచ వ్యాప్తంగా భారీ ఎత్తున విడుదల చేయాలని అనుకున్నారు. అలాగే రిలీజ్ డేట్ కూడా అనౌన్స్ చేసారు కూడా. అయితే ఉన్నట్లుండి ఈ సినిమాను వాయిదా వేస్తున్నట్లుగా ప్రకటించారు దర్శకులు గుణశేఖర్. ఇక అందుకు రీజన్ కూడా చెప్పారు.
శాకుంతలం సినిమాను 3 Dలో విడుదల చేయడానికి సన్నాహాలు చేస్తున్నామని ,అందుకే నవంబర్ 4 న విడుదల చేయడం లేదని , అయితే మళ్ళీ కొత్త డేట్ ఎప్పుడు అనేది త్వరలోనే వెల్లడిస్తామని స్పష్టం చేసాడు గుణశేఖర్. 3 డీ వర్క్ కంప్లీట్ అయ్యాక అంటే బహుశా ఈ ఏడాది విడుదల ఉండకపోవచ్చని తెలుస్తోంది. ఉంటే డిసెంబర్ లో లేదంటే 2023 లోనే శాకుంతలం విడుదల ఉంటుంది.
