నేచురల్ స్టార్ నాని దసరా మూవీ బాక్సాఫీస్ లెక్కలన్నీ మార్చేసింది. సుకుమార్ శిష్యుడిగా శ్రీకాంత్ ఓదెల తనదైన మార్క్ చూపించాడని అంటున్నాయి ఇండస్ట్రీ వర్గాలు. శ్రీరామనవమి రోజున.. దసరా పండగను థియేటర్లోకి తీసుకొచ్చాడు నాని. మార్చి 30న ప్రపంచవ్యాప్తంగా రిలీజ్ అయిన దసరా.. బాక్సాఫీస్ దగ్గర ఊచకోత కోసింది.అంతేకాక ఇప్పటికి ఇండస్ట్రీలో దసరా మేనియా కొనసాగుతోంది. విడుదలై 10 రోజులైనా కూడా క్రేజ్ మాత్రం తగ్గడం లేదు. సింగరేణి బ్యాక్ డ్రాప్లో వచ్చిన దసరా మూవీ నాని కెరీర్ లోనే ఊరమాస్ చిత్రంగా నిలిచిపోతుంది. ఇక నాని మాసివ్ పర్ఫార్మెన్స్కు ఆడియెన్స్తో పాటు సినీ సెలబ్రిటీలు ప్రశంసల వర్షం కురిపిస్తున్నారు. తాజాగా దసరా మూవీ చూసిన మెగాస్టార్ చిరంజీవి అదిరిపోయే కాంప్లిమెంట్ ఇవ్వడంతో పాటు తన ఆనందాన్ని సోషల్ మీడియా ద్వారా పంచుకోవడం వైరల్ గా మారింది.
రీసెంట్ గా దసరా మూవీ చూసిన చిరంజీవి… నాని నటనకు ఫిదా అవ్వడంతో ప్రశంసల జల్లు కురిపించాడు. డియర్ నాని.. దసరా సినిమా చూశాను. చాలా గొప్ప సినిమా ఇది. నీ నటన చాలా అద్భుతంగా ఉంది. దర్శకుడు శ్రీకాంత్ ఓదెల పనితీరు చాలా బాగుంది. అసలు ఇది శ్రీకాంత్ ఓదెలకు తొలి సినిమా అని తెలిసి ఆశ్చర్యపోయాను. చాలా అద్భుతంగా తెరకెక్కించాడు. మా మాహానటి కీర్తి సురేష్ యాక్టింగ్ అదిరిపోయింది. దీక్షిత్ శెట్టి కూడా తన పాత్రకు న్యాయం చేశాడు. సంతోష్ నారాయణన్ సంగీతం అదిరిపోయింది. మొత్తంగా టీమంతా కలిసి గొప్ప చిత్రాన్ని ఇచ్చారు అని చిరంజీవి మెచ్చుకున్నారు.ప్రస్తుతం చిరు ట్వీట్ నెట్టింట వైరల్గా మారింది.
చిరంజీవి ట్వీట్కి నాని స్పందించారు. మీరెప్పటికీ మా మెగాస్టారే సార్. వెండితెర మీద మాత్రమే మెగాస్టార్ కాదు.. సినిమా కోసం, సినిమా వాళ్ల కోసం ఎల్లప్పుడూ నిలబడే మెగా హార్ట్ మీ సొంతం’ అని నాని రిప్లై ఇచ్చాడు. ఇటు దర్శకుడు శ్రీకాంత్ ఓదెల కూడా చిరు ట్వీట్కి స్పందించారు. ‘ఇంద్ర’ సినిమాలో ‘దాయిదాయి దామ్మా’ పాటకు తన చిన్నప్పుడు వేసిన వీణ స్టెప్ ఫొటోతో రిప్లై ఇచ్చిన శ్రీకాంత్.. ‘ఎగురుతున్నా, థాంక్యూ బాస్’ అని రిప్లై ఇచ్చారు. మొత్తానికి చిరు నాని ట్వీట్లు సోషల్ మీడియాను ఊపేస్తున్నాయి.