Upasana : ప్రతీ పురుషుడి విజయం వెనుక ఒక స్త్రీ ఉంటుందని అందరికీ తెలిసిందే.. ఇప్పుడు అంతర్జాతీయ స్థాయిలో రామ్ చరణ్ ఇమేజ్‌ను పెంచే పనిలో ఉన్న ఉపాసన కొణిదెల గురించి తెలుసుకునే ప్రయత్నం చేద్దాం. ఇంట్లో ఉంటూనే అంతర్గతంగా వ్యవహారాలు చక్కబెట్టే సామర్థ్యం ఉన్న అత్యంత సమర్థురాలు ఉపాసన అని చాలా మంది చెబుతుంటారు. కానీ భయట కూడా ఆమె చక్రం తిప్పగలదని తక్కువ మందికి తెలుసు. తన భర్త రామ్ చరణ్ విషయంలో ఆమె వంద అడుగుల మందే ఆలోచిస్తుంటుంది.
పీఆర్ యాక్టివిటీస్ అయిన, అంతర్జాతీయ మీడియాలో రామ్ చరణ్ ఉనికిని క్రియేట్ చేసిన ఆమె తన భర్త కోసం పట్టుదలగా పనిచేస్తోంది. ‘ఆర్ఆర్ఆర్’లో తన పాత్ర ద్వారా రామ్ చరణ్ సంపాదించుకున్న ఇమేజ్‌ను అందిపుచ్చుకుంటూ ఉపాసన అంతర్జాతీయ అవకాశాలను చురుగ్గా అన్వేషిస్తోంది. తన భర్త ఇండియాలో కాదని, అంతర్జాతీయంగా పాపులర్ కావాలని, అందుకు తగ్గ మార్గాలను అన్వేషిస్తుంది ఆమె. దేశంలో టాప్ స్టార్స్ పుష్కలంగా ఉన్న నేపథ్యంలో రామ్ చరణ్ జీ-20 సదస్సులో పాల్గొనే అవకాశాన్ని ఎలా దక్కించుకోగలిగాడని పలువురు ఆశ్చర్యపోయారు. ఇదంతా ఉపాసన కొణిదెల పబ్లిక్ రిలేషన్స్ (పీఆర్) ప్రయత్నాలతోనే సాధ్యమైందని విశ్వసనీయ వర్గాల ద్వారా తెలిసింది.
కానీ ఆమె అక్కడితో ఆగిపోలేదు. అంతర్జాతీయ మీడియాకు సరిపోయేలా రామ్ చరణ్ ను తీర్చిదిద్దేందుకు ఉపాసన అంకితమైంది. మరింత ఎదుగుదల మరియు విజయం కోసం ఆమె చురుగ్గా తన ఇమేజ్ ను పెంచుకుంటోంది. ఈ విషయంలో రామ్ చరణ్ చాలా అదృష్టవంతుడిగా భావించాలి. ఇంటర్నేషనల్ ఛాన్సులు ఆయనకు వచ్చేలా కనిపిస్తున్నాయి. ఏది ఏమైనా ఇక రామ్ చరణ్ ను ఇండియా ఇండస్ట్రీలో నిలువరించడం కష్టంతో కూడుకున్న పననే చెప్పాలి.
