Akira Nandan : మెగా కుటుంబం అనేది తెలుగు సినీ ఇండస్ట్రీలో చాలా పెద్దది అనే చెప్పాలి.. మెగాస్టార్ వేసిన బాటలో ఆ తర్వాత చాలా మంది హీరోలు నడుస్తున్నారు.. మెగా బ్రదర్స్ వారసులు కూడా ఎంట్రీ ఇచ్చి తెలుగు ఇండస్ట్రీలో హీరోలుగా కొనసాగుతున్నారు. మరి పవర్ స్టార్ వారసుడు అకిరా నందన్ కూడా ఎప్పుడెప్పుడు ఎంట్రీ ఇస్తారా అని అంతా ఎదురు చూస్తున్నారు.
పవర్ స్టార్ పవన్ కళ్యాణ్ – రేణు దేశాయ్ ముద్దుల కుమారుడు అకిరా నందన్.. ఈయన గురించి అందరికి తెలుసు.. అకిరా నందన్ ఇప్పటికే చాలా సార్లు ఎంట్రీ ఇస్తున్నట్టు వార్తలు రాగా రేణు దేశాయ్ ఖండించింది.. అకిరా ద్యాస అంత చదువు మీద మాత్రమే ఉంది అని తెలిపింది. దీంతో ఇప్పట్లో అకిరా నందన్ ఎంట్రీ ఉండదనే అంతా అనుకున్నారు.
ఇక తాజాగా దర్శకేంద్రుడు కే రాఘవేంద్ర రావుతో కలిసి అకిరా నిలబడి ఫోటో దిగిన పిక్ సోషల్ మీడియాలో ఓ రేంజ్ లో వైరల్ అవుతుంది.. ఈ ఫోటోను ముందు సోషల్ మీడియా వేదికగా పోస్ట్ చేసి వెంటనే డిలీట్ చేసారు. కానీ ఒక్కసారి పోస్ట్ చేసాకా ఆగుతారా.. అప్పటికే ఈ పిక్ వైరల్ అయిపొయింది..
ఇక ఆ ఫోటోపై ఇప్పుడు అందరు చర్చించు కుంటున్నారు.. దర్శకేంద్రుడితో అకిరా కనిపించడం వెనుక కథ ఏంటి? ఈయన యాక్టింగ్ స్కూల్ లో జాయిన్ అయ్యారా? లేదంటే రాఘవేంద్ర రావు గారు అకిరాను లాంచ్ చేస్తున్నారా? ఇలాంటి ప్రశ్నలతో రేణు దేశాయ్ ను ఉక్కిరి బిక్కిరి చేయడం స్టార్ట్ చేసారు.
దీంతో రేణు దేశాయ్ స్పందించక తప్పలేదు.. ఈమె సోషల్ మీడియా వేదికగా నెటిజెన్స్ వేసిన ప్రశ్నలకు రిప్లై ఇచ్చింది. అకిరా ఏ ఫిలిం స్కూల్ లో జాయిన్ అవ్వలేదని ఇప్పుడు అకిరాకు యాక్టింగ్ మీద ఇంట్రెస్ట్ కూడా లేదు.. ఒకవేళ ఆ ఇంట్రెస్ట్ ఉంటే అప్పుడు సినిమాల్లో నటించాలనుకుంటే నేను ముందుగానే ప్రకటిస్తాను అంటూ ఈమె చెప్పుకొచ్చింది.