Kushi movie : రౌడీబాయ్ విజయ్ దేవరకొండ, సమంత జంటగా శివ నిర్వాణ దర్శకత్వంలో తెరకెక్కుతున్న పాన్ ఇండియా రొమాంటిక్ డ్రామా ‘ఖుషి’. టచింగ్ లవ్ స్టోరీతో లవ్ అండ్ ఫ్యామిలీ ఎంటర్‌టైనర్ తో దర్శకుడు శివ నిర్వాణ దీన్ని తెరకెక్కించారు.
సెప్టెంబర్ 1న తెలుగు, హిందీ, తమిళం, కన్నడ, మలయాళ భాషల్లో ఈ మూవీని విడుదల చేస్తున్నట్లు ఇప్పటికే మేకర్స్ ప్రకటించారు కూడా. చార్ట్ బస్టర్ సాంగ్స్, సూపర్ సక్సెస్ ఫుల్ మ్యూజికల్ కాన్సర్ట్ తో సినిమాపై అంచనాలు రోజు రోజుకు పెరుగుతూనే ఉన్నాయి.
ఈ సినిమా రిలీజ్ కు ముందు చిత్రబృందం ప్రచార కార్యక్రమాల్లో నిమగ్నమైంది. తాజాగా ఈ చిత్రం సెన్సార్ కార్యక్రమాలను పూర్తి చేసుకొని యూ/ఏ సర్టిఫికెట్ ను దక్కించుకుంది. సెన్సార్ నుంచి వచ్చిన రిపోర్ట్ సూపర్ పాజిటివ్ అని యూనిట్ పేర్కొంది. కామెడీ, ఎమోషన్స్, ఫ్యామిలీ ఎంటర్టైన్మెంట్ బాగా వర్కవుట్ అయ్యాయి.
క్లీన్ ఎంటర్‌టైన్‌మెంట్‌తో అన్ని కుటుంబాలను అలరించేందుకు ‘ఖుషి’ సిద్ధంగా ఉందని తెలుస్తోంది. విజయ్ దేవరకొండ-సమంత మధ్య కెమిస్ట్రీ సినిమాకు హైలట్ నిలుస్తుంది. ఫ్యామిలీ ఎంటర్టైన్మెంట్ చివరి వరకు డ్రామాలో, సరదాగా మనల్ని లీనమయ్యేలా చేస్తుంది. సో.. రన్ టైంపై అంత పట్టింపు అవసరం లేదు.
ఈ బ్యూటిఫుల్ ఎంటర్‌టైన్‌మెంట్‌‌ను ఆస్వాదించేందుకు ప్రేక్షకులు ఆసక్తిగా ఎదురుచూస్తున్నారు. ప్రతిష్టాత్మక నిర్మాణ సంస్థ మైత్రీ మూవీ మేకర్స్ ఈ చిత్రాన్ని తెరకెక్కిస్తోంది.
