Superstar’s Family :
సూపర్ స్టార్ క్రిష్ణ తనయుడు మహేష్ బాబు తండ్రికి తగ్గ కొడుకు అనిపించుకున్నాడు. తండ్రి వారసత్వాన్ని నిలబెడుతున్నాడు. తెలుగులో అగ్రహీరోగా వెలుగొందుతున్నాడు. తండ్రి వారసత్వానికి లోటు లేకుండా చూసుకుంటున్నాడు. తండ్రి బాటలోనే నడుస్తున్నాడు. తండ్రి మానవత్వం కలిగిన హీరోగా గుర్తింపు తెచ్చుకున్నాడు. ఆనాడే ఆపదలో ఉన్న వారికి సాయం చేసేందుకు ముందుండే వాడు.
ఇప్పుడు మహేష్ బాబు కూడా తండ్రిలోని దయాగుణాన్ని కలిగి ఉన్నాడు. చిన్నపిల్లల గుండె ఆపరేషన్లకు ఖర్చు చేస్తున్నాడు. కాకపోతే ప్రచారం చేసుకోవడానికి ఇష్టపడడు. ఎందరో చిన్నారుల గుండెలు బాగు చేసిన ఘనత మహేష్ బాబు సొంతం. అందుకే మహేష్ బాబు కూడా నిజజీవితంలో కూడా కథానాయకుడే. ఎవరైనా కష్టాల్లో ఉన్నారంటే తక్షణమే సాయం చేసేందుకు సిద్దంగా ఉంటాడు.
మహేష్ బాబు ఓ ఫౌండేషన్ స్థాపించి పిల్లలకు సాయం అందిస్తున్నాడు. వీరి బాటలో కూతురు సితార కూడా నడుస్తోంది. ఆమె చేసిన జువెల్లరీ యాడ్ కు వచ్చిన రూ. కోటి ని మహేష్ బాబు నిర్వహిస్తున్న ఫౌండేషన్ కు అందజేసి తనలోని మానవత్వాన్ని చాటుకుంది. కొడుకు గౌతమ్ కూడా అలాగే చేస్తున్నాడు. దీంతో వారి కుటుంబంలోనే దయార్థ సుగుణం ఇమిడి ఉన్నట్లు తెలుస్తోంది.
జాలి, దయ, కరుణ అనే క్వాలిటీస్ వారి రక్తంలోనే ఉన్నాయి. ఇలా అందరిలోనూ ఒకే రకమైన గుణాలు కలిగి ఉండటం చాలా అరుదు. ఇప్పుడు మహేష్ బాబు కుటుంబం తీరు చూసి అందరు ఆశ్చర్యపోతున్నారు. సితార తన పుట్టిన రోజు సందర్భంగా పిల్లలకు ఉచితంగా సైకిళ్లు కొనిచ్చారు. ఇలా సూపర్ స్టార్ కుటుంబంలో అందరి గుణాలు కూడా సూపర్ స్టార్ గానే ఉండటం గమనార్హం.
