CM Jagan Tour : సీఎం జగన్ పర్యటిస్తున్నారంటే చాలు.. ఆయన వెళ్లే మార్గంలో పచ్చని చెట్లను నరికి వేస్తున్నారు. ఈ నెల 13న శనివారం విజయవాడలో సీఎం జగన్ బస్సుయాత్ర ఉండడంతో అధికారులు శుక్రవారం సీఎం వెళ్లే మార్గంలో చెట్ల కొమ్మలను నరికివేయించారు. తొలుత నగరపాలక సిబ్బంది చెట్ల కొమ్మలు కొట్టేందుకు యత్నించగా.. అధికారులు అడ్డుకున్నారు. సత్యనారాయణపురం, ముత్యాలంపాడు, అజిత్ నగర్ లోని కృష్ణాహోటల్ కూడలిలో సాయంత్రం అధికారులే చెట్ల కొమ్మలను కొట్టివేయించారు. వైకాపా నాయకుల ఒత్తిడితోనే చెట్లను కొట్టివేశారని స్థానికులు మండిపడుతున్నారు.
