Bhashyam Praveen : క్రైస్తవ సోదర, సోదరిమణులకు ఈస్టర్ పర్వదినం సందర్భంగా శుభాకాంక్షలు చెప్పారు ఉమ్మడి గుంటూరు జిల్ల పెదకూరపాడు నియోజకవర్గ టీడీపీ అభ్యర్థి భాష్యం ప్రవీణ్. ఆదివారం ఈస్టర్ పండుగ సందర్భంగా ఆయన తన శుభాకాంక్షలను అందజేశారు. ఈసందర్భంగా ఆయన మాట్లాడుతూ.. నియోజకవర్గంలో ప్రజలందరూ కుల, మతాలకు అతీతంగా సంతోషంగా ఉండాలన్నదే తన ఆకాంక్ష అన్నారు. ఎవరికీ ఆపద వచ్చినా క్షణాల్లో వారి ముందుంటానని, ప్రజల సమస్యలే తన సమస్య అని వాటిని పరిష్కరించేందుకు నిత్యం వారికి అందుబాటులో ఉంటానని చెప్పుకొచ్చారు.
క్రైస్తవ సోదర, సోదరిమణులు ఈస్టర్ పండుగను ఆనందోత్సవాల నడుమ జరుపుకోవాలని ఆయన కోరారు. మరణాన్ని జయించి తిరిగి సజీవుడైన దేవుడు, యుగయుగాలకు యేసుక్రీస్తు సజీవుడై ఉంటాడన్నారు. క్రీస్తు సమాధి లోంచి లేచి వచ్చిన శుభవేళనే ఈస్టర్ పండుగగా జరుపుకుంటారు కాబట్టి ఇది అందరికీ శుభప్రదమేనన్నారు. క్రీస్తు మానవాళి కోసం మరణించి తిరిగి లేచాడన్నారు.
యేసుక్రీస్తు శాంతి, ప్రేమ, క్షమాపణ, కరుణ గుణాలను అనుసరిస్తూ వాటిని పాటిస్తూ సమాజంలో అందరూ క్రీస్తును ఆదర్శంగా తీసుకోవాలని సూచించారు. అన్ని కులాలు, మతాల ప్రజలు కలిసిమెలిసి నియోజకవర్గ అభివృద్ధిలో భాగస్వాములు కావాలన్నారు. టీడీపీ అధికారంలోకి వచ్చిన వెంటనే కులాలు, మతాలకతీతంగా సూపర్ సిక్స్ పథకాలను అమలు చేస్తామన్నారు.
కాగా, భాష్యం ప్రవీణ్ నియోజకవర్గంలో గెలుపు దిశగా ముందుకు సాగుతున్నారు. ఎన్నికలకు ఇంకా 45 రోజుల సమయం ఉన్నప్పటికే ఇప్పటికే ఆయన నియోజకవర్గంలోని ప్రజల్లో ప్రవీణ్ పై ఓ రకమైన వేవ్ వచ్చిందని విశ్లేషకులు భావిస్తున్నారు. కులమతాలకు అతీతంగా పేద, మధ్య తరగతి ప్రజల జీవితాలను బాగుచేయాలనే తపన ఉన్న ప్రవీణ్ కు అన్ని వర్గాల ప్రజలు బ్రహ్మరథం పడుతున్నారు.
పెద్ద ఎత్తున సేవా కార్యక్రమాలు నిర్వహించడంలో భాష్యం ప్రవీణ్ ది అందెవేసిన చెయ్యి. తన సాయం కోరి ఎవరు వచ్చినా కాదనకుండా తనవంతుగా వారికి అండగా ఉండడం ఆయన స్పెషాలిటీ. ఇదే ఆయన్ను పేదల మనిషిగా, సేవా గుణం ఉన్న యువనేతగా నిలిపింది. ఇవన్నీ లక్షణాలే టీడీపీ కచ్చితంగా గెలిచే సీట్లలో పెదకూరపాడును చేర్చింది అనడంలో సందేహం లేదు. భాష్యం ప్రవీణ్ గెలిపించుకోవడం తమ బాధ్యతగా కుల,మతాలకతీతంగా ప్రజలు ముందుకు రావడం గమనార్హం.
క్రైస్తవ సోదర, సోదరీమణులందరికీ ఈస్టర్ పర్వదిన శుభాకాంక్షలు… – మీ భాష్యం ప్రవీణ్#happyeaster2024 #BhashyamPraveen #bhashyampraveenfrompedakurapadu #TDPJSPBJPTogether #TDPJSPBJPWinning #TDP #Janasena #ByeByeJaganIn2024 #CBNAgain @iTDP_Official @JaiTDP pic.twitter.com/VYJCMsMyIV
— Bhashyam Praveen (@BhashyamPraveen) March 31, 2024
