Keerthy Suresh marriage : ఈ మధ్య కాలంలో హీరోయిన్స్ పెళ్లి మ్యాటర్ ఓ రేంజ్ లో వైరల్ అవుతున్న విషయం తెలిసిందే.. ఎక్కడ ఎప్పుడు ఎలా రూమర్స్ సృష్టిస్తారో తెలియదు కానీ పెళ్లిపై ఎప్పటికప్పుడు రూమర్స్ వస్తూనే ఉన్నాయి.. హీరోయిన్స్ పెళ్లి గురించి ఏ వార్త వచ్చిన నెటిజెన్స్ కూడా ఆసక్తిగా వింటున్నారు.. మరి ఎప్పటి నుండో మహానటి కీర్తి సురేష్ పెళ్లిపై కూడా పలు రకాల వార్తలు వైరల్ అవుతున్న విషయం తెలిసిందే.
ఈమె కూడా పెళ్లి పీటలు ఎక్కబోతుంది అంటూ కొన్ని రోజులుగా వార్తలు వస్తూనే ఉన్నాయి.. ఎప్పటికప్పుడు వీటిని ఈ భామ ఖండిస్తూనే ఉంది.. అయిన ఈ మధ్య మళ్ళీ కీర్తి పెళ్లి వార్తలు వైరల్ అయ్యాయి.. కీర్తి సురేష్ తన స్నేహితుడు ఫోటో షేర్ చేయగా ఆ ఫోటో చూసి ఈమె అతడిని పెళ్లి చేసుకుంటుంది అని వార్తలు పుట్టించారు..
అయితే ఈమె ఖండించిన తర్వాత కూడా ఈ వార్తలు ఆగక పోవడంతో తాజాగా కీర్తి అసహనం వ్యక్తం చేసింది. ఈమె తమిళ్ లో మామన్నన్ అనే సినిమాలో నటించింది. ఉదయనిధి స్టాలిన్ హీరోగా నటించిన ఈ సినిమా ఆడియో లాంచ్ వేడుక తాజాగా చెన్నైలో జరిగింది. ఈ వేడుకలో కీర్తి కూడా పాల్గొంది.
ఈ వేడుక సందర్భంగా కీర్తి మాట్లాడుతూ తన పెళ్లి వార్తలపై కూడా స్పందించింది. ఈ కార్యక్రమంలో త్వరలో పెళ్లి చేసుకో బోతున్నారా? అని ప్రశ్నించగా.. ‘నా పెళ్లి వార్తలపై ఇప్పటికే క్లారిటీ ఇచ్చా.. నా పెళ్లి కుదిరితే నేనే మీకు చెప్తా.. అంటూ చెప్పుకొచ్చింది. దీంతో మరోసారి ఈమె పెళ్లి చేసుకోవడం లేదు అని క్లారిటీ ఇచ్చేసింది.
