Megastar : మెగాస్టార్ చిరంజీవికి ఈ మధ్య అస్సలు కలిసి రావడం లేదు. ‘వాల్తేరు వీరయ్య’ ఒక మోస్తరు ఆడినా ఆశించినంత బాక్సాఫీస్ హిట్ మాత్రం దక్కలేదు. ఇక ‘భోళా శంకర్’ విషయానికి వస్తే పూర్తి దెబ్బేసిందనే చెప్పాలి. సాధారణ ప్రేక్షకుడికే కాదు మెగా ఫ్యాన్స్ కూడా ఈ సినిమా విషయంలో నోరు మెదపడం లేదు. చిరంజీవిని ఇంతలా బదనాం చేసిన మెహర్ రమేశ్ పై విరుచుకుపడ్డారు ఫ్యాన్స్. టాలీవుడ్ టాప్ మోస్ట్ హీరోతో సినిమా తీసేప్పుడు కనీసం ఆలోచించాలి కదా? అంటూ విమర్శలను కూడా ఎదుర్కొన్నాడు. ఇక రీమేక్స్ కు గుడ్ బై చెప్పాలని, వాటి జోలికి కూడా వెళ్లవద్దని చిరంజీవి ఫ్యాన్స్ సూచనలు కూడా చేస్తున్నారట.
ఈ నేపథ్యంలో ఆయన తర్వాతి ప్రాజెక్టులు ఎలా ఉంటాయన్న సందేహం ప్రతీ ఒక్కరిలో కలుగింది. ఈ నేపథ్యంలో మరో షాక్ ఇచ్చాడు చిరంజీవి తన తర్వాతి సినిమాను ఇప్పటికే అనౌన్స్ చేశాడు. ‘యూవీ క్రియేషన్స్’ నుంచి వస్తున్నట్లు అధికారికంగానే ప్రకటించాడు.
దీనికి సంబంధించిన కథను ‘బింభిసార’ డైరెక్టర్ వశిష్ఠ రెడీ చేశారు. మెగా #157 ఆయన డైరెక్షన్ లోనే వస్తున్నట్లు తెలిసింది. ఈ మూవీని సోషియో ఫాంటసీగా తెరకెక్కించబోతున్నట్లు తెలుస్తోంది.
టైటిల్ ఇదేనా..?
ఈ మూవీ సోషియో ఫాంటసీ అంటే చిరంజీవి కెరీర్ లో జగదేక వీరుడు-అతిలోక సుందరి వంటి కథ మాదిరిగా ఉండబోతోందని ఇండస్ట్రీలో ఇప్పటికే టాక్ మొదలైంది. హీరో, దేవకన్య భువికి రావడం. మనం ఇప్పటికే చూశాం. ఆ సినిమాలో చిరు పర్ఫార్మెన్స్ అంతా ఇంతా కాదు. ఇక్కడ కూడా కాన్సెప్ట్ అలాంటిదే నట కానీ కొత్తగా ఉంటుందట అని సమాచారం. ఈ మూవీలో స్టార్ హీరోయిన్లను సెలక్ట్ చేసుకోబోతున్నారట. అంటే ఒకరు, ఇద్దరు కంటే ఎక్కువ మంది స్టార్ హీరోయిన్లు ఉండబోతున్నారట. ఇందులో మెయిన్ హీరోయిన్ ఎవరనేది తెలియాల్సి ఉంది. ఈ సినిమాకు ‘ముల్లోక వీరుడు’ అనే టైటిల్ ఫిక్స్ చేసినట్టుగా వార్తలు వినిపిస్తున్నాయి.
