Mohan Babu First Wife :
సీనియర్ హీరో మంచు మోహన్ బాబుకు టాలీవుడ్లో కలెక్షన్ కింగ్.. డైలాగ్ కింగ్ అనే పేరుంది. మోహన్ బాబు అసలు పేరు భక్తవత్సలం నాయుడు. సినిమాల్లోకి వచ్చాక తన స్క్రీన్ పేరును మోహన్ బాబుగా మార్చుకున్నాడు. ఆయనకు ఈ పేరును సూచించింది స్టార్ డైరెక్టర్ దాసరి నారాయణరావు కావడం విశేషం. అప్పటి నుంచి దాసరిని మోహన్ బాబు గురువుగా భావిస్తూ వచ్చారు.
మోహన్ బాబు సినిమాల్లోకి వచ్చిన కొత్తల్లో విద్యా దేవితో పెళ్లి జరిగింది. కొంతకాలంగా వీరి కాపురం సజావుగా సాగింది. వీరికి మంచు విష్ణు.. లక్ష్మీ సంతానం. ఇక ఆ తర్వాత మోహన్ బాబు సినిమాల్లో బిజీగా మారడంతో షూటింగ్ నుంచి రోజు ఇంటికి ఆలస్యంగా వచ్చేవారట. ఈ క్రమంలోనే వీరి మధ్య తరచూ గొడవలు జరిగేవట.
ఇలాంటి సమయంలోనే ఒక రోజు ఆమె ఇంట్లోనే బలవర్మణం చేసుకోవడం మంచు ఫ్యామిలీలో విషాదాన్ని నింపింది. విద్యాదేవి చనిపోయే నాటికి విష్ణు.. లక్ష్మి చిన్న పిల్లలు. వీరికి తల్లిలేని లోటును తీర్చాలని మోహన్ బాబుకు పెద్దలు నచ్చజెప్పి విద్యా దేవి సోదరి నిర్మలా దేవితో పెళ్లి చేశారు. వీరికి మనోజ్ పుట్టాడు. అయితే నిర్మలా దేవి మాత్రం మనోజ్ తో సమానంగా విష్ణు.. లక్ష్మిలను సొంత బిడ్డల్లా పెంచారు.
నిర్మలా దేవితో పెళ్లి తర్వాత మోహన్ బాబు తన కోపాన్ని క్రమంగా తగ్గించుకుంటూ వచ్చారు. అయితే ముక్కుసూటిగా మాట్లాడే తత్వం మాత్రం ఇంకా మారలేదు. అయితే మోహన్ బాబు మొదటి భార్య ఆత్మహత్య చేసుకుందని.. మంచు విష్ణు.. మనోజ్ ఒకే తల్లి బిడ్డలు కాదనే విషయం మాత్రం చాలా మందికి పెద్దగా తెలియదు.