ఈరోజు శ్రీరామనవమి పర్వదినాన్ని పురస్కరించుకొని దసరా చిత్రాన్ని విడుదల చేసారు. నాని హీరోగా నటించిన ఈ చిత్రంలో కీర్తి సురేష్ హీరోయిన్ గా నటించింది. ఇక శ్రీకాంత్ ఓదెల అనే కొత్త కుర్రాడు ఈ సినిమాతో దర్శకుడిగా పరిచయం అయ్యాడు. దసరా చిత్రానికి ముందునుండే చాలా పాజిటివ్ వైబ్రేషన్స్ ఉన్నాయి దాంతో అందుకు తగ్గట్లే భారీ ఓపెనింగ్స్ ను సాధించింది అంతేకాదు బ్లాక్ బస్టర్ టాక్ ను కూడా సొంతం చేసుకుంది.
తెలంగాణ బొగ్గు గనుల నేపథ్యంలో రూపొందిన ఈ చిత్రం ప్రేక్షకులను విశేషంగా అలరిస్తోంది. ముఖ్యంగా నానిని చూపించిన తీరుకు ఫిదా అవుతున్నారు. ఇన్నాళ్లు నాని నటించిన చిత్రాలు వేరు దసరా చిత్రం పూర్తిగా వేరు దాంతో ఫ్యాన్స్ మాత్రమే కాదు ప్రేక్షకులు కూడా ఫిదా అవుతున్నారు. ఇక దసరా చిత్రానికి ముందే పాజిటివ్ టాక్ రావడంతో భారీ ఆఫర్ ఇచ్చి ఓటీటీ హక్కులు సొంతం చేసుకుంది నెట్ ఫ్లిక్స్.
మేలో దసరా ఓటీటీ లోకి రానుంది.
దసరా చిత్రానికి బ్లాక్ బస్టర్ టాక్ రావడంతో చిత్ర బృందం విజయోత్సవాన్ని జరుపుకుంది. బాణాసంచాను పెద్ద ఎత్తున కాల్చి కేక్ కట్ చేసారు యూనిట్ సభ్యులు. హీరో నాని , హీరోయిన్ కీర్తి సురేష్ తదితరులు ఈ వేడుకలో పాల్గొన్నారు.