Niharika :
మెగాస్టార్ చిరంజీవి ఫ్యామిలీ ఏం చేసినా ఆనందించే వాళ్లు ఎలాగైతే ఉంటారో.. అలాగే విమర్శించే వాళ్లు ఉన్నారు. ముఖ్యంగా పవన్ కళ్యాణ్ రాజకీయాల్లో చురుకుగా ఉంటుండడంతో యాంటీ ఫ్యాన్స్ మరింత రెచ్చిపోతున్నారు. వీరికి మెగా ఫ్యాన్స్ సైతం ఎప్పటికప్పుడు కౌంటర్లు ఇస్తుండటంతో సోషల్ మీడియాలో మెగా ఫ్యామిలీ నిత్యం నానుతూనే ఉంటుంది.
ఇక మెగా డాటర్ సోషల్ మీడియాలో తెగ యాక్టివ్ గా ఉంటుందనే సంగతి అందరికీ తెల్సిందే. నిహారిక పెళ్లికి ముందు నుంచే నటనపై తన ఆసక్తిని కనబర్చింది. పలు వెబ్ సిరీసులు.. బుల్లితెర షోలతోపాటు సినిమాలు సైతం చేసింది. అయితే జొన్నలగడ్డ చైతన్యను వివాహం చేసుకున్నాక సినిమాలకు దూరంగా ఉంది.
అయితే నిహారిక.. చైతన్య మధ్య మనస్పర్థలు రావడంతో వీరిద్దరు విడాకులు తీసుకున్నారు. ఆ మధ్య నిహారిక పబ్బుకు వెళ్లడం.. ఆమెను పోలీసులు స్టేషన్ తీసుకెళ్లడం.. ఆ తర్వాత విడాకుల వ్యవహారం వంటివి నిహారికను ఇబ్బంది పెట్టాయి. అయితే వీటన్నింటిని మర్చిపోయేందుకు నిహారిక ఎప్పటికప్పుడు చిల్ అవుతున్న ఫోటోలు.. వీడియోలు సోషల్ మీడియాలో షేర్ చేస్తూ అభిమానులతో టచ్ లో ఉంటుంది.
త్వరలోనే నిహారిక అన్నయ్య వరుణ్ తేజ్ లావణ్య త్రిపాఠిని పెళ్లి చేసుకోబోతున్నారు. ఈ పెళ్లి వ్యవహారాలు జరుగుతున్న సమయంలో నిహారిక తన ఫ్యామిలీతో కలిసి కెన్యాకు వెళ్లింది. అక్కడ తన అన్నయ్య వరుణ్ తేజ్.. నాన్న నాగబాబు.. అమ్మతో సరదాగా ఎంజాయ్ చేస్తోంది. ఇందుకు సంబంధించిన వీడియోను నిహారిక స్వయంగా తన ఇన్ స్టాలో పోస్ట్ చేయడంతో వైరల్ గా మారింది.