pawan kalyan fans మనిషికి వేపకాయంత వెర్రి ఉంటుంది. అది వేయి రకాలుగా ఉంటుందట. అభిమాను వెర్రితలలు వేస్తే దాని పర్యవసానం కూడా వేరే ఉంటుంది. మనకు అభిమాన హీరోలుంటారు. వారి కోసం మొదటి ఆటకే టికెట్ కొనుక్కుని సినిమా చూసే వారుంటారు. ఇంకా అభిమాన కథానాయకుడికి రక్తదానం చేసి తమ భక్తిని చాటేవారు కూడా ఉంటారు. కానీ తను అభిమానించే హీరో కోసం రక్తం చిందే అభిమానులు కూడా ఉండటం సహజమే.
ప్రస్తుతం పవన్ కల్యాణ్, సాయిధరమ్ తేజ్ హీరోలుగా నటించిన సినిమా బ్రో. ఇప్పుడు విజయవంతంగా ప్రదర్శితమవుతోంది. బ్రో సినిమా సక్సెస్ టాక్ అందుకుంటోంది. కలెక్షన్ల పర్వం కొనసాగిస్తోంది. దీంతో పవన్ అభిమానులు సినిమాను ఆస్వాదిస్తున్నారు. ప్రత్యేకంగా చూస్తున్నారు. తమ అభిమాన హీరో నటించిన సినిమాను ఆసక్తిగా తిలకిస్తున్నారు.
అన్నమయ్య జిల్లాలో ఓ అభిమాని పవన్ పై అభిమానంతో బ్లేడుతో చేయి కోసుకున్నాడు. అది ఒకసారి కాదు పలుమార్లు అలా చేయడం వల్ల అతడి చేయి నుంచి రక్తం కారింది. అయినా లెక్క చేయకుండా అలాగే కోసుకుంటూ ఉన్నాడు. అందరు వారించినా వినలేదు. తన అభిమాన హీరో కోసం రక్తం ధారపోస్తానని చెబుతూ చేయి కోసుకోవడం గమనార్హం.
పవన్ కల్యాణ్ పై ఉన్న ప్రేమను వ్యక్తం చేస్తూ బ్రో పోస్టర్ ఎదుట బ్లేడుతో పలుమార్లు చేయి కోసుకున్నాడు. రక్తం కారుతున్నా లెక్కచేయలేదు. ఆయన కోసం రక్తం, ప్రాణం ఇస్తానంటూ చెప్పడం చూసి అందరు అవాక్కయ్యారు. మదనపల్లిలో జరిగిన ఈ సంఘటన అందరిలో ఆశ్చర్యం కలిగించింది. ఇది నెట్టింట్లో వైరల్ అవుతోంది. నీ భక్తి పాడుగాను చేయికి గాయమైతే కోలుకోవడం కష్టం అని కామెంట్లు పెడుతున్నారు.