Team India Semis Berth Assured : వరల్డ్ కప్ 2023 లో ఇప్పటివరకు ఆడిన ప్రతి మ్యాచులో గెలిచింది టీమిండియా. మొదటి మ్యాచులో ఆస్ర్టేలియాను గెలవడంతో పాటు ఆఖరి మ్యాచులో న్యూజిలాండ్ వరకు అన్నింటినీ దాటుకొని వచ్చింది. ఇక ఆదివారం ఇంగ్లాండ్ ను ఢీకొట్టేందుకు సిద్ధమవుతున్నది.
ఇక టోర్నీలో దారుణంగా ఆడుతున్న ఇంగ్లాండ్ ఈ మ్యాచులో ఓటమెరుగని టీమిండియాను ఢీకొట్టబోతున్నది. సొంతగడ్డపై ఆడడం టీమిండియాకు బలం. ఆదివారం ఇంగ్లాండ్ తో పోరులోనూ గెలిస్తే, ఆ రికార్డును నిలబెట్టుకుంటే కూడా నాకౌట్ లో అడుగుపెడుతుంది. టీమిండియా అనుకున్నదానికంటే మెరుగైన ప్రదర్శనతో దూసుకెళ్తున్నది. అటు ఇంగ్లాండ్ మాత్రం ఐదు మ్యాచుల్లో కేవలం ఒక్కటే గెలిచింది. అది కూడా బంగ్లాదేశ్ పై గెలిచింది. ఇక అన్ని మ్యాచుల్లో ఓటములతో దాదాపు సెమీస్ కు దూరమైంది. అయితే మిగతా మ్యాచుల్లో గెలిచి, ఇతర జట్ల ఓటమి సమీకరణాలు కలిసివస్తేనే ఇంగ్లాండ్ కు అవకాశం ఉంటుంది.
అయితే బలంగా ఉన్న టీమిండియాను ఢీకొట్టాలంటే మెరుగైన ప్రదర్శన చేయాల్సి ఉంటుంది. ఇక లక్నోలోని ఏకనా స్టేడియం పిచ్ మందకొడిగా ఉంటుంది. భారీ స్కోర్లు చేయడం కష్టమే. మొదట్లో పేస్ బౌలింగ్ కొంత కష్టమే. రానురాను స్పిన్ అనుకూలిస్తుంది. అయితే ఇంగ్లాండ్ జట్టు నిజానికి బలమైనదే. బట్లర్ సేనను తక్కువ చేయడానికి ఏం లేదు. ఇక ఈ మ్యాచ్ లో ఓడితే మాత్రం ఇంగ్లాండ్ కథ వరల్డ్ కప్ లో ముగిసినట్లే. ఫామ్ పరంగా ఇప్పుడైతే టీమిండియాను ఎదుర్కోవడం మాత్రం ఇంగ్లాండ్ కు కష్టమే.
టీమిండియాలో రోహిత్(కెప్టెన్), శుభ్ మన్ గిల్, విరాట్ కోహ్లీ, శ్రేయస్ అయ్యర్, కేఎల్ రాహుల్, సూర్యకుమార్ యాదవ్, జడేజా, కుల్ దీప్, అశ్విన్/సిరాజ్, బుమ్రా, షమీ
ఇక ఇంగ్లాండ్ జట్టులో మలన్, బెయిర్ స్టో, రూట్, స్టోక్స్, బట్లర్(కెప్టెన్), లివింగ్ స్టన్, బ్రూక్/మొయిన్, అలీ, రషీద్, విల్లీ, వోక్స్, వుడ్/అట్కిన్సన్