Divorce సినిమాల్లో చాలా మంది భార్యాభర్తలు విడాకులు తీసుకుంటున్నారు. దీంతో తెర ముందు ఆడే వారి జీవితాలు వెనుక కూడా ఆడుతున్నాయి. నూరేళ్ల కాపురంలో కలతలు రాకుండా సంసారం చేయడం అంటే మాటలు కాదు. పెళ్లయి విడాకులు తీసుకున్న వారిలో సమంత, నాగచైతన్య, ప్రభు, నిహారికలు వస్తున్నారు. వీరంతా వారి కాపురం మూన్నాళ్ల ముచ్చటగానే ముగిస్తున్నారు. దాంపత్య జీవితంలో ఎంత కష్టమొచ్చినా కలిసి ఉంటామని ప్రమాణాలు చేసుకున్న జంటలు విడిపోతున్నాయి. ఈ నేపథ్యంలో తాజాగా ఓ బాలీవుడ్ జంట కూడా ఇదే బాటలో వెళ్తోంది. ఫర్దీన్ ఖాన్ తన 18 ఏళ్ల దాంపత్యానికి తెరదించుతూ విడాకులు తీసుకునేందుకు సిద్ధమయ్యారు.
బాలీవుడ్ లెజెండ్ ఫిరోజ్ ఖాన్ తనయుడు ఫర్దీన్ ఖాన్ ప్రముఖ నటి ముంతాజ్ కుమార్తె నటాషా మధవానీతో 2005లో వివాహం జరిగింది. వీరికి అజారియన్ అనే కుమారుడు జన్మించాడు. తరువాత ఇక సంతానం కలగలేదు. ఐవీఎఫ్ ద్వారా సంతానం పొందేందుకు లండన్ వెళ్లారు. అక్కడ ఆమె గర్భం దాల్చి కవల పిల్లలు పుట్టారు. వారిద్దరు మరణించడంతో నటాషా డిప్రెషన్ లోకి వెళ్లింది.
వీరి మధ్య కొద్ది కాలంగా విభేదాలు వస్తున్నాయి. విడిపోవాలని బలంగా కోరుకుంటున్నారు. కుటుంబ సభ్యులు ఎంత నచ్చజెప్పినా వినడం లేదు. ఈ నేపథ్యంలో ఇద్దరు విడాకుల కోసం దరఖాస్తు చేసినట్లు వార్తలు వస్తున్నాయి. ఇక విడాకులు రావడమే తరువాయి అంటున్నారు. దాంపత్య జీవితాలను మధ్యలోనే తుంచేసుకోవడం బాధాకరమే.
పిల్లల సంరక్షణ విషయంలో కూడా ఓ అవగాహనకు వచ్చారని చెబుతున్నారు. ఫర్దీన్ ఖాన్ ప్రేమ్ ఆగన్ చిత్రం ద్వారా పరిచయమయ్యాడు. తరువాత రాంగోపాల్ వర్మ దర్శకత్వంలో వచ్చిన జంగల్ లో నటించాడు. భూత్, ఖుషీ, ఫిదా, నో ఎంట్రీ, ఆర్యన్, జస్ట్ మ్యారీడ్, డార్లింగ్, లైఫ్ ప్యాక్టరీ చిత్రాల్లో నటించి మెప్పించాడు. 2010లో చివరి సారిగా దుల్హా హిల్ గయా సినిమాలో కనిపించాడు.