”రక్తదానం చేయండి – ప్రాణదాతలు కండి ” అంటూ వినూత్న కార్యక్రమానికి శ్రీకారం చుట్టింది UBlood App సంస్థ. రక్తదానం యొక్క గొప్పతనం గురించి అవసరం గురించి నొక్కి వక్కాణిస్తోంది. రక్తదానం గురించి ఇంతగా ప్రచారం చేయడానికి కారణం ఏంటో తెలుసా ? ప్రతీ రోజు జరిగే వందలాది యాక్సిడెంట్ ల వల్ల పెద్ద ఎత్తున ప్రాణనష్టం జరుగుతోంది. ఇక పెద్ద సంఖ్యలో గాయాల పాలౌతున్నారు. అలా గాయపడిన వాళ్లకు సకాలంలో రక్తం అవసరం. అలాగే రకరకాల ఆపరేషన్ ల సమయంలో కూడా రక్తం అవసరమౌతోంది. దాంతో ఆయా సమయాల్లో రక్తం అందక వందలాది ప్రాణాలు గాల్లో కలిసి పోతున్నాయి.
ఇకపై ఇలాంటి వాటికి చరమగీతం పలకాలని , రక్త కొరతతో ప్రాణాలు పోవద్దనే గొప్ప సంకల్పంతో డాక్టర్ జై యలమంచిలి ” UBlood App ” ను సృష్టించారు. రక్తదానంకు అందరూ ముందుకు వచ్చేలా…… ఎక్కడ రక్తదానం అవసరమో అక్కడే రక్తదాతలు ముందుకు వచ్చేలా గొప్ప యాప్ ను సృష్టించారు జై యలమంచిలి. ఒకే యాప్ లో రక్తదాతల వివరాలతో పాటుగా రక్త గ్రహీతల వివరాలు కూడా ఉంటే ఈ యాప్ ఆదరణకు నోచుకుంటుందని భావించి దీనికి రూపకల్పన చేసారు.
హైదరాబాద్ మహానగరంలోని రామంతాపూర్ అరోరా పోస్ట్ గ్రాడ్యుయేషన్ కాలేజ్ లో ” UBlood App ” క్యాంపెయిన్ నిర్వహించగా ఆ క్యాంపెయిన్ కు అద్భుతమైన స్పందన వచ్చింది. పోస్ట్ గ్రాడ్యుయేషన్ స్టూడెంట్స్ యు బ్లడ్ యాప్ విశిష్టత తెలుసుకొని తమ సెల్ ఫోన్ లలో UBlood App ను డౌన్ లోడ్ చేసుకోవడం విశేషం. ఈ కార్యక్రమంలో అరోరా కాలేజ్ స్టూడెంట్స్ తో పాటుగా అధ్యాపకులతో పాటుగా
JSW & Jaiswaraajya.tv సంస్థల కమ్యూనికేషన్ మేనేజర్ చిలువేరు శంకర్ తదితరులు పాల్గొన్నారు.
