Twins Inter Results : ఇంటర్మీడియేట్ ఫలితాల్లో గురుకుల కళాశాల లో చదువుతున్న కవలలు (అక్కా చెల్లెళ్లు) ప్రతిభ చూపారు. కరీంనగర్ జిల్లా తిమ్మాపూర్ మండలం అల్గునూర్ లోని తెలంగాణ గురుకుల కళాశాలలో ఇంటర్ ఫస్టియర్ అక్కాచెల్లెళ్లు శార్వాని, ప్రజ్ఞాని చదువుతున్నారు. ఇంటర్ ఫలితాల్లో శార్వాణికి ఎంపిసి లో 470 మార్కులకు గానను 465 మార్కులు వచ్చాయి. ప్రజ్ఞానికి బైపీసీలో 440 మార్కులకు గాను 436 మార్కులు వచ్చాయి. దీంతో శార్వాని, ప్రజ్ఞానిలను కళాశాల ప్రిన్సిపాల్ దేవేందర్ అభినందించారు.
ప్రభుత్వ కళాశాల విద్యార్థులతో పాటు ఆదర్శ పాఠశాలలు, కేజీబీవీ, గురుకుల విద్యార్థులు ఇంటర్ ఫలితాల్లో సత్తా చాటారు. కార్పొరేట్, ప్రైవేట్ కళాశాలలను మించి ఫలితాలను సాధించి ఔరా అనిపించాయి.
ప్రభుత్వ జూనియర్ కళాశాలల్లో ప్రథమ, ద్వితీయ సంవత్సరాల ఫలితాల్లోనూ వికారాబాద్ ప్రభుత్వ జూనియర్ కళాశాల అగ్రస్థానంలో నిలిచింది. ఈ కళాశాల ప్రథమ సంవత్సరంలో 45.37 శాతం, ద్వితీయ సంవత్సరంలో 66.37 శాతం ఉత్తీర్ణత సాధించి ప్రభుత్వ కళాశాలల్లో ప్రథమ స్థానంలో నిలిచింది.
