Uppal Stadium : హైదరాబాద్ లోని ఉప్పల్ స్టేడియం ఆధునీకరిస్తున్నారు. మరో 20 రోజుల్లో ప్రపంచ కప్ ప్రారంభం కానుండటంతో పనులు ముమ్మరంగా సాగుతున్నాయి. స్టేడియంలో ఇదివరకు పలు టోర్నీలు జరిగాయి. స్టేడియం బాగున్నా ప్రపంచ కప్ నిర్వహణ కోసం ఇక్కడ మ్యాచ్ లు జరగనున్నాయి. దీంతో స్టేడియం నిర్మాణ పనులు చకచకా జరుగుతున్నాయి.
ఉప్పల్ స్టేడియంలో ఉత్తర, దక్షిణ స్టాండ్లపై పైకప్పు ఉంది. దక్షిణం వైపు పైకప్పు దెబ్బ తినడంతో రిపేర్లు చేస్తున్నారు. తూర్పు, పడమర స్టాండ్లలో ఎల్ ఈడీ స్క్రీన్లు పెడుతున్నారు. దీనికి సంబంధించిన పనులు కూడా చివరి దశకు చేరుకున్నాయి. ఉప్పల్ స్టేడియం రూపు రేఖలు మారుతున్నాయి. వరల్డ్ వైడ్ మ్యాచ్ లు నిర్వహణ కోసం కొత్త రూపు తీసుకొస్తున్నారు.
బీసీసీఐ స్టేడియాన్ని బ్రహ్మాండమైన మార్పులు చేస్తోంది. రూ. 117.17 కోట్లు ఖర్చు చేసి స్టేడియాన్ని అన్ని విధాలుగా అనుకూలంగా ఉండేలా తీర్చిదిద్దుతోంది. దీంతో ఉప్పల్ స్టేడియానికి మహర్దశ పట్టనుంది. ప్రేక్షకుల అభిరుచులకు అనుగుణంగా అలంకరిస్తున్నారు. ఈనేపథ్యంలో ఉప్పల్ స్టేడియం ఆధునీకరణ పనులు చూస్తే అందరికి ఆశ్చర్యం వేస్తుంది.
ఇదివరకు ఉన్న స్టేడియానికి ఇప్పుడు కొత్తగా తీర్చిదిద్దుతున్న దానికి చాలా తేడా ఉంది. ఉప్పల్ స్టేడియం రూపురేఖలు మారుతున్నాయి. ప్రేక్షకులకు అన్ని సదుపాయాలు కల్పించనున్నారు. దీని కోసం మరమ్మతులు చేపడుతున్నారు. మరో ఇరవై రోజుల్లో జరిగే వరల్డ్ కప్ కు వేదికగా మారడంతో దానికి అనుకూలంగా మార్పులు చేస్తున్నారు.