Varun Tej : మెగా ఫ్యామిలీ నుండి వచ్చిన హీరోల్లో మెగా ప్రిన్స్ వరుణ్ తేజ్ ఒకరు.. మెగాస్టార్ చిరంజీవి తమ్ముడు మెగా బ్రదర్ నాగబాబు ఒక్కగానొక్క కొడుకు వరుణ్ తేజ్ మెగా హీరోగా ఎంట్రీ ఇచిన్నప్పటికీ తనకంటూ ప్రత్యేకమైన ఫాలోయింగ్ తెచ్చుకున్నాడు. ఇక ప్రస్తుతం వరుణ్ తేజ్ కెరీర్ జెట్ స్పీడ్ లో సాగుతుంది. పలు క్రేజీ ప్రాజెక్టులను సెట్ చేసుకుంటూ పోతున్నాడు.
ఈ మధ్య వరుణ్ పాన్ ఇండియన్ సినిమాలపై ఫోకస్ పెట్టి భారీ ప్రాజెక్టులను అనౌన్స్ చేస్తున్నారు. ఇక ఈ నెల ఆగస్టు 25న ఈయన నటించిన గాండీవధారి అర్జున సినిమాతో ప్రేక్షకుల ముందుకు రాబోతున్నాడు.. దీంతో ప్రమోషన్స్ లో పాల్గొంటూ బిజీగా ఉన్నాడు. ఈ ప్రమోషన్స్ లో భాగంగా తన లవ్ స్టోరీ, పెళ్లి గురించి మొదటిసారి స్పందించారు.
వరుణ్ మాట్లాడుతూ.. ”నాకు పర్సనల్ విషయాలు సీక్రెట్ గా ఉంచడం అంటే ఇష్టం.. అందుకే మా లవ్ స్టోరీ బయటకు రాకుండా దాచేసాం.. లావణ్యకు నాకు ఐదేళ్లుగా లవ్ కొనసాగుతుంది.. మేము ముందు బెస్ట్ ఫ్రెండ్స్ గానే ఉన్నాం.. మా అభిప్రాయాలు కలవడంతో ప్రేమ వరకు వెళ్ళాం.. పెద్దలు కూడా అంగీకరించడంతో పెళ్లి వరకు మా విషయం వచ్చింది అని తెలిపారు.
అలాగే లావణ్యకు నేనే ముందు ప్రపోజ్ చేసానని చెప్పాడు వరుణ్.. ఎంజెగ్మెంట్ కూడా చాలా సింపుల్ గా జరిగింది.. ఇక పెళ్లి కూడా అంతే సింపుల్ గా చేసుకోవాలని అనుకుంటున్నా.. లావణ్య చాలా మెచ్యూర్ గా ఉంటూ నాకేం కావాలో అన్ని తెలుసుకుంటుంది.. అంతేకాదు నా పట్ల కేరింగ్ గా కూడా ఉంటుంది.. నేను వాడే ఐఫోన్ లాంటి గిఫ్ట్స్ చాలానే ఇచ్చింది.. అంటూ లావణ్య గురించి చాలా బాగా చెప్పుకొచ్చారు.