విలక్షణ నటుడు సోనూ సూద్ యు బ్లడ్ యాప్ కు ప్రచారకర్తగా వ్యవహరిస్తున్న విషయం తెలిసిందే. హైదరాబాద్ లోని ఆవాసా హోటల్ లో అంగరంగ వైభవంగా యు బ్లడ్ యాప్ ప్రారంభించారు సోనూ సూద్. ఇక దేశ వ్యాప్తంగా రోజు రోజుకు పెద్ద ఎత్తున రోడ్డు ప్రమాదాలు సంభవిస్తున్నాయి. దాంతో రక్తం పెద్ద ఎత్తున అవసరం పడుతోంది. రక్తదానం యొక్క విశిష్టత తెలిసేలా ఇందుకు రూపకల్పన చేసారు జగదీశ్ యలమంచిలి.
రక్తదానం గురించి అవగాహన కల్పించడానికి సోనూ సూద్ ని మించిన వ్యక్తి లేడంటూ బ్రాండ్ అంబాసిడర్ గా వ్యవహరించామని జగదీశ్ యలమంచిలి కోరగా అందుకు సోనూ సూద్ అంగీకరించడం విశేషం. ఇక తాజాగా యు బ్లడ్ రక్షాబంధన్ యాడ్ కూడా చేశారు. ఈ యాడ్ లో కూడా సోనూ సూద్ నటించడం విశేషం. అంతేకాదు రక్షాబంధన్ గొప్పతనం తో పాటుగా రక్తదానం గొప్పతనం , అవసరం గురించి చెబుతున్నారు సోనూ సూద్.