Adipurush – Monkey : నేడు ప్రపంచ వ్యాప్తంగా ఆదిపురుష్ సినిమా విడుదలైంది. ప్రభాస్ రాముడిగా నటించిన సినిమా కావడంతో ప్రేక్షకులు ఆనందిస్తున్నారు. సినిమా కోసం ప్రతి థియేటర్ లో ఒక సీటు హనుమంతుడి కోసం కేటాయించారు. ఎక్కడ రామాయణం వినిపించినా అక్కడకు హనుమంతుడు వస్తాడని నమ్ముతుంటారు. అందుకే ప్రతి థియేటర్ లో ఒక సీటు ఆయన కోసం ఏర్పాటు చేశారు. ఇది నిజంగా అద్భుతమే.
ఇప్పటికే ఆదిపురుష్ సినిమాకు అద్భుతమైన రెస్పాన్స్ వచ్చింది. దీంతో సినిమా బ్రహ్మాండమైన హిట్టని పేర్కొంటున్నారు. ఇక్కడ మరో ట్విస్ట్ ఉంది. ప్రతి థియేటర్ లో సీటు కేటాయించి తమ స్వామి భక్తిని చాటుకున్నారు. కానీ ఓ థియేటర్ కి ఓ వానరం వచ్చి ఆదిపురుష్ సినిమా చూసింది. దీంతో స్వయంగా ఆంజనేయుడే వచ్చాడని అందరు నమ్ముతున్నారు.
ఈ విషయం సోషల్ మీడియాలో వైరల్ గా మారింది. ఆదిపురుష్ ప్రదర్శన జరుగుతున్న థియేటర్ కు కోతి రావడం సంచలనం కలిగించింది. గతంలో కూడా ఇలాంటి ఘటనలు జరిగినా సినిమా మొత్తం చూసిన దాఖలాలు లేవు. ఇప్పుడు మాత్రం వానరం సినిమా మొత్తం వీక్షించింది. దీంతో ఆంజనేయుడే వచ్చి సినిమా చూశాడని అందరు అనుకుంటున్నారు.
ప్రేక్షకులు వేసే ఈలలు, గోలలు పట్టించుకోకుండా కోతి సినిమా ఆద్యంతం వీక్షించింది. దీనిపై ప్రేక్షకులు రకరకాల కామెంట్లు చేస్తున్నారు. రాముడి సినిమాకు హనుమంతుడే వచ్చాడని చెబుతున్నారు. ఎక్కడ రామాయణం చదివినా అక్కడ హనుమంతుడు వస్తాడనే వాదనను నిజం చేస్తూ కోతి రావడం అందరికి దేవుడిపై నమ్మకం పెంచిందనే చెప్పాలి.
