Adipurush MOvie : ప్రభాస్ వంటి పాన్ ఇండియన్ స్టార్ తాజాగా నటించిన సినిమా ‘ఆదిపురుష్’.. బాలీవుడ్ లో చారిత్రక సినిమాలను తెరకెక్కిస్తూ మంచి పేరు తెచ్చుకున్న డైరెక్టర్ ఓం రౌత్ ఈ సినిమాను తెరకెక్కించడంతో ఈ సినిమాపై బాలీవుడ్ లో సైతం భారీ అంచనాలు నెలకొన్నాయి. ఈ క్రమంలోనే ఈ భారీ అంచనాల మధ్య ఈ సినిమా నిన్న జూన్ 16న గ్రాండ్ గా పాన్ ఇండియా వ్యాప్తంగా రిలీజ్ అయ్యింది.
హిందీ, తెలుగు భాషల్లో ఏకకాలంలో తెరకెక్కిన ఈ సినిమాలో రాముడిగా ప్రభాస్ నటిస్తే కృతి సనన్ సీత పాత్రలో నటించింది. అలాగే బాలీవుడ్ స్టార్ హీరో సైఫ్ అలీ ఖాన్ రావణాసురిడిగా నటించగా ఈ సినిమాపై భారీ హైప్ పెరిగింది. అందుకు తగ్గట్టుగానే ఈ సినిమాను గ్రాండ్ గా రిలీజ్ చేసారు.. 240 కోట్ల మేర ప్రీ రిలీజ్ బిజినెస్ చేయగా తెలుగులోనే ఏకంగా 120 కోట్ల బిజినెస్ చేసుకుంది.
మరి మొత్తంగా ఎన్నో అంచనాల మధ్య రిలీజ్ అయిన ఈ సినిమాకు మిశ్రమ స్పందన లభించింది.. అయితే ఈ సినిమా ఏకంగా 7 వేల థియేటర్స్ లో రిలీజ్ కావడంతో మొదటి రోజు భారీ ఓపెనింగ్స్ లభించినట్టు తెలుస్తుంది. ఇంకా అఫిషియల్ అప్డేట్ రాకపోయిన ఈ సినిమా మొదటి రోజు కలెక్షన్స్ గురించి సమాచారం బయటకు వచ్చింది.
ప్రభాస్ నటించిన ఆదిపురుష్ సినిమా గ్రాండ్ గా రిలీజ్ అవ్వడంతో భారీ ఓపెనింగ్స్ ను నమోదు చేసినట్టు తెలుస్తుంది.. తెలుగు రాష్ట్రాలలో మొదటి రోజు ఈ సినిమా రూ. 58.50 కోట్ల నెట్ వసూళ్లు చేసినట్టు తెలుస్తుంది. అలాగే అన్ని భాషల్లో కలిసి ఈ సినిమా మొదటి రోజు ఏకంగా 95 కోట్ల వరకు రాబట్టినట్టు సమాచారం.. మరి కొద్దీ సేపట్లో అఫిషియల్ అప్డేట్ రానుంది. అప్పుడు అసలైన కలెక్షన్స్ వివరాలు తెలియనున్నాయి..
ReplyForward
|