ఇళయ దళపతి విజయ్ హీరోగా నటిస్తున్న తాజా చిత్రానికి టైటిల్ ఖరారు చేసారు. లోకేష్ కనగరాజ్ దర్శకత్వంలో తెరకెక్కుతున్న ఈ చిత్రం నిన్ననే ప్రారంభమైంది. అప్పుడే టైటిల్ రివీల్ చేయడమే కాకుండా 2 నిమిషాల 47 సెకన్లు ఉన్న వీడియోను విడుదల చేసారు కూడా.ఈ వీడియోలో విజయ్ కనిపిస్తున్న తీరుకు అభిమానులు ఫిదా అవ్వడం ఖాయం.
ఇక ఈ చిత్రానికి పెట్టిన టైటిల్ ఏంటో తెలుసా …….” లియో ”. అవును సింహం లాంటి వాడన్న మాట.ఇక టైటిల్ ను రివీల్ చేసిన తీరు కూడా చాలా బాగుంది. అభిమానులను అలరించేలా ఈ వీడియో రూపొందించాడు దర్శకుడు లోకేష్ కనగరాజ్. అలాగే ఈ చిత్ర విడుదల తేదీ కూడా ప్రకటించారు. 19 అక్టోబర్ 2023 లో దసరా కానుకగా విడుదల చేయనున్నామని ప్రకటించారు మేకర్స్.
ఈ చిత్రంలో విజయ్ సరసన త్రిష నటిస్తోంది. చాలాకాలం తర్వాత విజయ్ – త్రిష జంటగా నటిస్తున్నారు. బాలీవుడ్ హీరో సంజయ్ దత్ విలన్ గా నటిస్తున్నాడు. అలాగే అర్జున్ , మిస్కిన్ , ప్రియా ఆనంద్ తదితరులు ఈ చిత్రంలో నటించనున్నారు. విజయ్ నటించిన వారిసు చిత్రానికి టాక్ యావరేజ్ అని వచ్చినప్పటికీ దాదాపు 280 కోట్ల వసూళ్లను సాధించింది. ఇక పవర్ ఫుల్ మూవీ అయితే వసూళ్ల వర్షం కురవడం ఖాయం.