టాలీవుడ్ సూపర్ స్టార్ మహేష్ బాబు నాని నటించిన దసరా చిత్రాన్ని చూసాడు. తనకు నచ్చడంతో ” so so proud of #Dasara!! stunning cinema ” అంటూ ఫైర్ ఎమోజీలు రెండు పెట్టేసి ట్వీట్ చేసాడు. ఇంకేముంది ఆ ట్వీట్ వైరల్ గా మారింది. నాని సినిమాకు మహేష్ మద్దతు లభించడంతో నాని కూడా చాలా సంతోషించాడు. ఇక మహేష్ మద్దతు లభించడంతో తన సంతోషాన్ని వ్యక్తం చేస్తూ రీ ట్వీట్ చేసాడు. ఈ ట్వీట్ కూడా వైరల్ గా మారింది.
నాని హీరోగా నటించిన దసరా చిత్రం శ్రీరామనవమి పండగ సందర్భాన్ని పురస్కరించుకొని మార్చి 30 న విడుదల చేసారు. ఈ సినిమా 60 కోట్లకు పైగా బడ్జెట్ తో రూపొందింది. నాని రేంజ్ కు ఇది చాలా ఎక్కువే ! అయినప్పటికీ ధైర్యం చేసి ఏకంగా పాన్ ఇండియా చిత్రంగా నిర్మించారు. అదే స్థాయిలో బిజినెస్ కూడా జరిగింది. అంతేనా ఈ సినిమాకు ఎవరూ ఊహించని విధంగా మొదటి రోజునే 40 కోట్ల గ్రాస్ వసూళ్లు వచ్చాయి.
నాని సినిమా మొత్తం మీద 40 కోట్లు వసూల్ చేయడమే ఎక్కువ ! అలాంటిది ఈ సినిమా ఏకంగా ఒక్క రోజులోనే 40 కోట్ల గ్రాస్ వసూళ్లను సాధించడంతో ట్రేడ్ విశ్లేషకులు ఆశ్చర్య పోతున్నారు. మొత్తానికి దసరా 100 కోట్లను అవలీలగా కొట్టేలా కనబడుతోంది. నాని యాక్షన్ అందరూ ఫిదా అవుతున్నారు. హీరో మహేష్ బాబు కూడా నాని పై ప్రశంసల వర్షం కురిపించాడట. ఇక దసరా బ్లాక్ బస్టర్ కావడంతో దర్శకుడు శ్రీకాంత్ ఓదెల కు ఫుల్లు డిమాండ్ ఏర్పడింది.
