హీరో అఖిల్ అక్కినేని , స్టైలిష్ డైరెక్టర్ సురేందర్ రెడ్డి కాంబినేషన్లో తెరకెక్కుతోన్న మూవీ ‘ఏజెంట్. ఎన్నో ఎళ్ళుగా కమర్షియల్ సక్సెస్ కోసం ఎదురు చూస్తున్నాడు అక్కినేని కుర్రాడు. గతేడాది ‘మోస్ట్ ఎలిజిబుల్ బ్యాచ్లర్’తో హిట్టు సాధించినా.. కమర్షియల్గా సక్సెస్ సాధించలేకపోయాడు. దీంతో అయ్యగారు ఆశలన్ని ‘ఏజెంట్’ సినిమాపైనే పెట్టుకున్నాడు. ఎలాగైనా మాసివ్ హిట్ కొట్టాలని ఫిక్స్ అయ్యాడు.
హాలీవుడ్ లెవెల్లో హై ఓల్టేజ్ యాక్షన్ స్పై యాక్షన్ థ్రిల్లర్గా తెరకెక్కుతోన్న ఈమూవీలో అఖిల్ రా ఏజెంట్గా కనిపించనున్నాడు. ఇప్పటికే రిలీజైన పోస్టర్లు, టీజర్ పాటలతో సినిమాపై ఓ రేంజ్ లో హైప్ నెలకొంది. ఇక ఈ సినిమాను ఏప్రిల్ 28న ప్రేక్షకుల ముందుకు రానుంది. దీంతో మేకర్స్ వరుస అప్డేట్లను ప్రకటిస్తూ సినిమాపై బజ్ క్రియేట్ చేస్తున్నారు. రీసెంట్ గా రామకృష్ణ గోవిందా సాంగ్ను రిలీజ్ చేయగా..ఇప్పుడు మరో కొత్త పోస్టర్ ను రిలీజ్ చేసి సినిమాపై అంచనాలు పెంచుతున్నారు. పైగా ఇంతకు ముందెన్నడూ చూడని పాత్రలో అఖిల్ని సురేందర్ రెడ్డి చూపించబోతున్నట్లుగా తెలుస్తోంది. ఇప్పటికే సిక్స్ ప్యాక్ బాడీతో బీస్ట్లా తయారయ్యాడు. దీంతో సినిమాపై అంచనాలు పెరిగిపోయాయి.
ఏజెంట్’ చిత్రం డినో మోరియా ‘ది గాడ్’ అంటూ అతని ఫస్ట్ లుక్ను విడుదల చేశారు . ఈ సరికొత్త లుక్ కు అదిరిపోయే రెస్పాన్స్ వస్తోంది. రాజ్, అక్సర్, జూలీ వంటి చిత్రాలలో నటించిన బాలీవుడ్ స్టార్ డినో మోరియా ఈ చిత్రంలో పవర్ఫుల్ రోల్ చేస్తున్నట్లు అర్థమవుతోంది. చేతిలో మెషిన్ గన్ తో పాటు పొడవాటి జుట్టు నెరిసిన గడ్డంతో అదిరిపోయాడు. ఇతని ముఖం మీద గాయాలు కూడా ఉన్నాయి. ఈ లుక్ చూస్తుంటే ఈ సినిమాలో ఆయన విలన్ పాత్ర చేసినట్లు తెలుస్తోంది. ప్రస్తుతం ఈ పోస్టర్ సోషల్ మీడియాలో వైరల్ అవుతోంది. ఇన్నాళ్లు తెరమరుగైన డినో మోరియా అఖిల్ సినిమాతో టాలీవుడ్ ఎంట్రీ ఇస్తున్నాడు. మరీ ఏ రేంజ్ లో ప్రేక్షకులను ఆకట్టుకుంటాడో చూడాలి.