ఈరోజు నందమూరి హరికృష్ణ జయంతి దాంతో తండ్రిని తలుచుకుంటూ కన్నీళ్ల పర్యంతం అయ్యారు ఎన్టీఆర్ , కళ్యాణ్ రామ్ లు. సెప్టెంబర్ 2 న నందమూరి హరికృష్ణ పుట్టినరోజు. అయితే 2018 ఆగస్టు 29 న నెల్లూరు లో జరిగే ఓ పెళ్ళికి కారులో వెళుతూ రోడ్డు ప్రమాదంలో మరణించాడు. అప్పుడు……. పుట్టినరోజుకు మూడు రోజుల ముందే చనిపోయాడు. దాంతో హరికృష్ణ కుటుంబం తీవ్ర విషాదంలో మునిగింది.
తండ్రి చనిపోయి నాలుగేళ్లు అవుతోంది అయినప్పటికీ తండ్రిని గుర్తు చేసుకుంటూ జయంతి , వర్ధంతి రోజులలో తీవ్ర దుఃఖసాగరంలో మునుగుతున్నారు ఎన్టీఆర్ , కళ్యాణ్ రామ్ లు. ఇక ఈరోజు హరికృష్ణ జయంతి కావడంతో తండ్రిని తల్చుకున్నారు. అప్పటి జ్ఞాపకాలను నెమరువేసుకుంటున్నారు.
ఇక నందమూరి బాలకృష్ణ కూడా తన సోదరుడు హరికృష్ణ ని గుర్తు చేసుకుంటూ నివాళులు అర్పిస్తున్నాడు. సాధారణంగా ఏ కొడుకైనా తన కంటూ కొన్ని ఆశయాలను నెరవేర్చుకోవడానికి కష్టపడతాడు. కానీ హరికృష్ణ మాత్రం తన తండ్రి ఎన్టీఆర్ కోసం కష్టపడ్డాడు. చైతన్య రధసారధిగా అహర్నిశలు శ్రమించాడు. తండ్రి అధికారంలోకి వచ్చాక మాత్రం ఆయనకు దూరంగా ఉన్నాడు. పనుల కోసం పైరవీలు చేయలేదు. అలాంటి వ్యక్తిత్వం ఉన్న హరికృష్ణ అర్దాంతరంగా చనిపోవడంతో ఆ కుటుంబం తీవ్ర దుఃఖసాగరంలో మునిగింది.