భారతీయులకు అందునా హిందువులకు ముఖ్యమైన పండుగలలో శ్రీరామ నవమికి ప్రత్యేక స్థానముందన్న విషయం తెలిసిందే. మనిషి ఎలా బ్రతకాలో ఆచరణలో చూపించిన మహనీయుడు. ఆదర్శ పురుషుడు శ్రీరాముడు. సీతమ్మ తల్లి ఎన్నో కష్టాలను అనుభవించినప్పటికి తల్లిదండ్రుల పట్ల అలాగే భర్త పట్ల ఎలాంటి అనురాగం కలిగి ఉండాలో చాటి చెప్పిన స్త్రీ మూర్తి సీతమ్మ. శ్రీరాముడు – సీతమ్మ కలిసి ఉన్నది ……. సుఖమైన జీవితాన్ని అనుభవించింది తక్కువే అయినప్పటికీ…… ఎక్కువగా కష్టాలు అనుభవించినప్పటికీ……. ఈ సృష్టిలో భార్యాభర్తలు అంటే ఎలా ఉండాలో చాటి చెప్పిన ఆదర్శ మూర్తులు. అన్ని కష్టాలు పడ్డారు కాబట్టే……. ఈ ప్రపంచానికి ఆదర్శమూర్తులుగా నిలిచారు. నీరాజనాలు అందుకుంటున్నారు. ప్రతీ ఏటా శ్రీరామ నవమి వేడుకలు అంగరంగ వైభవంగా నిర్వహిస్తూ సీతారాముల కళ్యాణం చేస్తూ భక్తితో కొలుస్తుంటారు.
ఇలా మన దేశంలోనే కాదు ప్రపంచ వ్యాప్తంగా ఉన్న భారతీయులు అందునా ముఖ్యంగా తెలుగువాళ్లు కూడా భక్తి శ్రద్ధలతో శ్రీరామ నవమి వేడుకలు జరుపుకుంటారు. ఇక అందులో భాగంగానే అగ్రరాజ్యం అమెరికాలో కూడా శ్రీరామ నవమి వేడుకలు ఘనంగా నిర్వహించారు ప్రముఖ పారిశ్రామిక వేత్త , UBlood App సృష్టికర్త, JSW & Jaiswaraajya.tv సంస్థల శ్రేయోభిలాషి డాక్టర్ జై యలమంచిలి దంపతులు. న్యూజెర్సీలోని ఎడిసన్ లో సాయి దత్త పీఠం , శ్రీ శివ విష్ణు టెంపుల్ లో శ్రీరామ నవమి వేడుకలు ఘనంగా జరిగాయి. డాక్టర్ జై యలమంచిలి దంపతులతో పాటుగా సాయి దత్త పీఠం , శ్రీ శివ విష్ణు టెంపుల్ చైర్మన్ శంకరమంచి రఘు శర్మ , యలమంచిలి రమేష్ దంపతులు , JSW & Jaiswaraajya.tv సంస్థల గ్లోబల్ డైరెక్టర్ డాక్టర్ శివకుమార్ ఆనంద్ లతో పాటుగా పలువురు ప్రవాసాంధ్రులు ఈ పూజలలో పాల్గొన్నారు. ఈ కార్యక్రమంలో మహిళలు , పిల్లలు , పురుషులు పెద్ద ఎత్తున పాల్గొని పూజలో పాల్గొని సీతారాముల ఆశీర్వాదం అందుకున్నారు.
ఫోటోలు: డాక్టర్ శివకుమార్ ఆనంద్
