Sai Pallavi surgery : టాలీవుడ్ లో మంచి పేరు తెచ్చుకున్న హీరోయిన్లలో సాయిపల్లవి ఒకరు. సహజమైన నటనతో అందరిని మెప్పించి నిక్కచ్చిగా వ్యవహరించే ఆమె టాలెంట్ కు ఫిదా కావాల్సిందే. రొటీన్ కు భిన్నంగా ఉంటుంది. నష్టపోయిన నిర్మాతలకు డబ్బులు తిరిగి ఇచ్చిన సందర్భాలు సైతం ఉన్నాయి. అలా సాయిపల్లవి నైజం విచిత్రమైనది. అందుకే ఆమెను అందరు ఇష్టపడుతుంటారు.
శేఖర్ దర్శకత్వంలో ఫిదా సినిమాలో నటించింది. అదే ఆమెకు మొదటి సినిమా. తరువాత లవ్ స్టోరీ సినిమా కూడా హిట్టయింది. కథల పరంగా ఎంతో జాగ్రత్తగా ఉంటుంది. తనకు నచ్చితేనే చేస్తుంది. లేదంటే మొహమాటం లేకుండా నో చెబుతుంది. అలా చాలా సినిమాలు మిస్ చేసుకుంది. కథ నచ్చితేనే ఓకే చెబుతుంది. లేదంటే కచ్చితంగా కుదరదు అని సమాధానం చెప్పడం ఆమెకు అలవాటు.
ప్రస్తుతం కోలీవుడ్ ఓ వార్త సంచలనం సృష్టిస్తోంది. సాయిపల్లవి సర్జరీ చేయించుకుందని అందరు చెబుతున్నారు. ఓ సందర్భంలో డ్యాన్స్ చేస్తుండగా కాలు బెనికిందట. దీంతో కాలుకు గాయమై సర్జరీ చేయించుకునే వరకు వెళ్లిందట. దీంతో కాలికి సర్జరీ చేయించుకుని ప్రస్తుతం విశ్రాంతి తీసుకుంటుందట. ఇప్పుడు ఈ వార్త సోషల్ మీడియాలో హల్ చల్ చేస్తోంది.
దీనిపై ఎలాంటి సమాచారం లేకున్నా ప్రధానంగా అందరి నోళ్లలో నానుతోంది. సాయిపల్లవి తమిళంలో ఒక సినిమా చేస్తోంది. శివ కార్తికేయన్ హీరోగా నటిస్తున్నారు. తెలుగులో మాత్రం ఒక సినిమా కూడా లేదు. ఆమె తెలుగులో చేసిన విరాటపర్వం నిరాశ కలిగించింది. నాగ చైతన్యతో తీసిన లవ్ స్టోరీ మాత్రం విజయం దక్కించుకుంది. ప్రస్తుతం అవకాశాలు మాత్రం రావడం లేదు.