Game changer : ‘ఆర్ఆర్ఆర్’ బ్లాక్ బస్టర్ తర్వాత రాం చరణ్ పై అంచనాలు భారీగా పెరగడంతో.. దిల్ రాజు ఆయనతో సినిమా తీయాలని ప్లాన్ చేశాడు. దీనిలో భాగంగానే శంకర్ దర్శకత్వంలో ‘గేమ్ ఛేంజర్’ మొదలు పెట్టారు. సంచలనాల దర్శకుడు శంకర్ ఈ సినిమాకు దర్శకత్వం వహిస్తుండడంతో ఇటు తెలుగు, అటు తమిళం ఇండస్ట్రీలో అంచాలు భారీగా పెరిగాయి. ఇక శంకర్ కు ఇది స్ట్రెయిట్ గా తెలుగులో ఫస్ట్ మూవీ. అభిమానులు ఈ సినిమా గురించి ఆతృతగా ఎదురు చూస్తున్నారు. ఉపాసన ప్రెగ్నెంట్ కంటే ముందే ఈ సినిమాకు సంబంధించి చాలా వరకు షూటింగ్ పూర్తయింది.
అయినా, ఇప్పటి వరకు అప్ డేట్స్ ఏమీ లేకపోవడంతో మెగా ఫ్యాన్స్ ఎప్పుడూ ప్రశ్నిస్తున్నారు. ఈ నేపథ్యంలో ప్రొడ్యూసర్ దిల్ రాజు కొన్ని విషయాలు చెప్పాడు. ‘గేమ్ ఛేంజర్’ షూటింగ్ ప్రారంభించి రెండేళ్లు గడిచినా ఆ చిత్రం అసంపూర్తిగా ఉంది. ఈ ప్రాజెక్ట్ షూటింగ్ షెడ్యూల్, విడుదల ప్రణాళికలలో అనేక మార్పులను ఎదుర్కొన్నందున అభిమానులలో ఒకప్పుడు నిండిన ఉత్సాహం కాలక్రమేణా తగ్గుకుంటూ వస్తుంది.
సినిమా ప్రమోషన్లలో తన అద్భుతమైన వ్యూహాలకు పేరుగాంచిన నిర్మాత దిల్ రాజు, వరుణ్ తేజ్ సినిమా ‘గాండీవధారి అర్జున’ ప్రీ రిలీజ్ ఈవెంట్లో కనిపించిన సందర్భంగా ‘గేమ్ ఛేంజర్’ సినిమా గురించి కూడా మాట్లాడారు. ఆయన మాట్లాడుతూ చిత్రం దర్శకుడు శంకర్ చేతుల్లోనే ఉందని బహిరంగంగా చెప్పాడు.ప్రేక్షకుల నుంచి మంచి స్పందన లభిస్తుండగా, సినిమా పురోగతి, షూటింగ్ టైమ్లైన్, ప్రచార వ్యూహాలపై తనకు నియంత్రణ లేదని, ఈ కీలకమైన నిర్ణయాలను పూర్తిగా శంకర్ దృష్టికి అప్పగించానని దిల్ రాజు పరోక్షంగా నొక్కి చెప్పాడు.