Rohit Sharma : రోహిత్ శర్మ గ్రౌండ్ లో ఏదీ మాట్లాడిన అది వైరల్ గా మారుతుంది. ఇంగ్లాండ్ తో టెస్టు మ్యాచ్ లో సర్పరాజ్ ఖాన్ హెల్మెట్ లేకుండా పాయింట్ లో బ్యాటర్ కు దగ్గర ఫీల్డింగ్ చేస్తున్నప్పుడు హిరో కావాలనుకుంటున్నా.. హెల్మెట్ పెట్టుకో బాయ్ అని మందలించాడు. ఇది కాస్త మైక్ లో వినిపించడంతో తెగ వైరల్ అయింది. తోటి ఆటగాళ్లను రోహిత్ ఎలా ట్రీట్ చేస్తాడో అప్పటి నుంచి అందరికీ తెలిసిపోయింది.
నిన్న ముంబయి ఇండియన్స్ తో రాయల్ చాలెంజర్ బెంగళూరు మ్యాచ్ లో లోయర్ ఆర్డర్ బ్యాట్స్ మెన్ దినేశ్ కార్తీక్ 23 బంతుల్లోనే 5 ఫోర్లు, నాలుగు సిక్సులతో 53 పరుగులు చేసి ఆర్సీబీకి 196 పరుగుల భారీ స్కోరు అందించాడు. అయితే ఆకాశ్ మద్వాల్ బౌలింగ్ లో దినేశ్ కార్తీక్ 16వ ఓవర్ లో థర్డ్ మ్యాన్ సైడ్ కొట్టిన షాట్లు క్రికెట్ చరిత్రలోనే అసామాన్యం.
రిటైరయ్యే స్టేజ్ లో ఇలాంటి షాట్లు ఆడటం అంటే అంతా ఆషామాషీ విషయం కాదు. ఎంతో ప్రాక్టీస్ చేసి ఉంటేనే అలాంటి షాట్లు ఆడగలరు. ఇలా థర్డ్ మ్యాన్ వైపు రివర్స్ స్పీప్ షాట్లు ఆడటం చూసిన రోహిత్ శర్మ దినేశ్ కార్తీక్ ను ఆట పట్టించాడు. ఏంటీ టీ 20 వరల్డ్ కప్ ఆడాలనుకుంటున్నావా దినేశ్ బాయ్ అని అన్నాడు. ఇది కాస్త మైక్ లో రికార్డు కావడంతో తెగ వైరల్ అవుతోంది.
అవును ఆటకు వయసుతో సంబంధం లేదన్నట్లు దినేశ్ కార్తీక్ ఆడిన ఆట అంతా చూడముచ్చటగా ఉంది. కానీ బౌలింగ్ వైఫల్యం వల్ల ఆర్సీబీ ఓడిపోయింది. అయినా దినేశ్ కార్తీక్ ఆట తీరును కామెంటేటర్లు కూడా తెగ పొగిడేశారు. టీ 20 జట్టులో దినేశ్ కార్తీక్ చోటు సంపాదించినా ఆశ్చర్యపోనక్కర్లేదన్నారు. మరికొన్ని రోజుల్లో వరల్డ్ కప్ టీ 20 టీమ్ ను సెలెక్ట్ చేయనున్నారు. ఇందులో మళ్లీ దినేశ్ కార్తీక్ నేమ్ కనిపిస్తుందో లేదో చూడాలి.