Balagam చిన్న సినిమాలు విజయాలు నమోదు చేయడం కొత్తేమీ కాదు. ఎలాంటి అంచనాలు లేకుండా వచ్చి వండర్ క్రియేట్ చేస్తుంటాయి. ఈ కోవలోనే బలగం, బేబి సినిమాలు కూడా వచ్చాయి. చిన్న సినిమాలే అయినా పెద్ద విజయాన్ని నమోదు చేశాయి. గ్రామీణ నేపథ్యంలో వచ్చిన బలగం అయితే అంతర్జాతీయంగా మంచి గుర్తింపు తెచ్చుకుంది.
జబర్దస్త్ కమెడియన్ వేణు వండర్ దర్శకత్వం వహించిన ఈ సినిమా ఎన్నో అవార్డులు దక్కించుకుంది. మొదటి సినిమా అయినా వేణు అద్భుతంగా తీశారు. దీంతో అందులో నటించిన వారికి కూడా ఎంతో పేరొచ్చింది. కావ్య కల్యాణ్ రామ్, ప్రియదర్శి హీరోహీరోయిన్లుగా నటించిన బలగం అందరి అంచనాలు తలకిందులు చేస్తూ బ్రహ్మాండమైన హిట్ సాధించింది.
బలగం సినిమాలో లచ్చవ్వ పాత్రలో నటించిన రూపా లక్ష్మికి ఎంతో పేరొచ్చింది. ఆమె ఇదివరకు సీరియళ్లలో నటించినా ఆమెకు అంతగా గుర్తింపు రాలేదు. బలగం సినిమాతోనే మంచి పేరొచ్చింది. 2018లో నీదినాది ఒకే కథ సీరియల్ లో నటించింది. కానీ అంతగా పేరు రాలేదు. బలగం సినిమాలో లచ్చవ్వగా నటించినందుకు పాత్రకు వందశాతం న్యాయం చేసిందని చెబుతున్నారు.
రూపాలక్ష్మి నటనకు అందరు ఫిదా అయ్యారు. బలగం సినిమా తరువాత ఆమెకు అవకాశాలు వెల్లువలా వస్తున్నాయి. బలగం సినిమా ఆమె రేంజ్ ను మరింత పెంచింది. ప్రస్తుతం ఆమె తెలుగు సినిమాల్లో తగిన పాత్రలు వస్తున్నాయి. ఇలా బలగం సినిమా ఆమె జాతకాన్ని మార్చేసింది. అందులో నటించిన వారికి మంచి అవకాశాలు రావడానికి కారణంగా నిలిచింది.
