Odisha News : మరోసారి కలిసి పోటీ చేయాలని భావించిన బిజద, భాజపాలు ఎందుకు దూరమయ్యాయి?
పొత్తు చర్చలు విఫలమవడానికి కారణాలేంటి?
ఒరిస్సా
రెండు పార్టీల మధ్య సీట్ల సర్దుబాటు వ్యవహారం తేలినా ఒక్కచోట ప్రతిష్టంభన నెలకొంది. రాష్ట్రంలో కూటమి ప్రభుత్వానికి ససేమిరా అన్న బిజద నాయకత్వం కేంద్రంలో ఏర్పడనున్న ప్రభుత్వంలో తాము చేరేది లేదని తేల్చిచెప్పింది. ఎన్నికల్లో కలిసిమెలసి పోటీ చేసినా ఆ తర్వాత రాష్ట్రంలో ఏర్పాటయ్యే ప్రభుత్వంలో భాజపా ప్రమేయం ఉండకూడదని, మంత్రివర్గంలో ఆ పార్టీకి చోటు కల్పించేది లేదని తేల్చిచెప్పింది. ఇక మీరే తేల్చుకోవాలని బిజద పెద్దలు భాజపా కేంద్ర నాయకత్వానికి స్పష్టంగా చెప్పారు. ఇది కాషాయ నేతలకు మింగుడుపడలేదు. దీంతో విడివిడిగా పోటీ చేయాలన్న నిర్ణయానికి వచ్చారు.