Gujarat VS Delhi : గుజరాత్ టైటాన్స్, ఢిల్లీ క్యాపిటల్స్ మధ్య బుధవారం సాయంత్రం ఈ సీజన్ లో 32 వ ఐపీఎల్ మ్యాచ్ జరగనుంది. గుజరాత్ 6 మ్యాచ్ లలో మూడు విజయాలు, మూడు ఓటములతో ఆరో స్థానంలో ఉండగా.. ఢిల్లీ క్యాపిటల్స్ ఆరింట రెండు మ్యాచ్ లు గెలిచింది. అయితే చివరి మ్యాచ్ లో ఢిల్లీ ఫామ్ లోకి రావడం కలిసొచ్చే అంశం.
గుజరాత్ టైటాన్స్ కు డేవిడ్ మిల్లర్ అందుబాటులోకి రానున్నాడు. దీంతో బ్యాటింగ్ ఆర్డర్ దుర్భేద్యంగా మారనుంది. ఢిల్లీ తరఫున ఆడుతున్న మిచెల్ మార్ష్ మాత్రం ఇంకా తిరిగి రాలేడు. ఎప్పుడు వస్తాడో కూడా తెలియని పరిస్థితి. దీంతో కొత్త కుర్రాడు ముర్గర్ మీద ఆధారపడుతోంది. గత మ్యాచ్ అనుభవాలతో ఈ సారి కచ్చితంగా రాణించాలని అనుకుంటోంది.
డేవిడ్ వార్నర్ ఫామ్ లోకిిి రావాలని ఢిల్లీ కోరుకుంటోంది. పృథ్వీ షా ఆడుతున్నప్పటికీ ఒపెనింగ్ భాగస్వామ్యం మెరుగ్గా కావాలని కోరుకుంటోంది. గుజరాత్ టైటాన్స్ తో మ్యాచ్ లో ఢిల్లీక కూడా చావో రేవో లాంటిది. ఇకనుంచి ఆడబోయే అన్ని మ్యాచ్లు కూడా గెలవాల్సిందే లేకపోతే ఢిల్లీకి ప్లే ఆప్స్ దారులు మూసుకుపోతాయి.
పృథ్వి షా ఫామ్ లోకి రావడం ఢిల్లీకి కలిసి వచ్చే అంశం కానీ బౌలింగ్ విభాగం మరింత మెరుగ్గా రాణించాల్సిన అవసరం ఉంది ఖలీల్ అహ్మద్ ఒక్కడే రాణిస్తున్నాడు. మిగతా బౌలర్లు తేలిపోతున్నారు. కుల్దీప్ యాదవ్, అక్షర్ పటేల్ మిగతా ఫాస్ట్ బౌలర్లు తప్పక రాణించాల్సిందే. ఈ మ్యాచ్లో గనక ఢిల్లీ ఓడిపోతే ప్లే ఆప్స్ చేరడం గగనమే. రాబోయే ఏడు మ్యాచ్లు కూడా గెలవాల్సి ఉంటుంది.
గుజరాత్ టైటాన్స్ కూడా ఈ మ్యాచ్ గెలవాల్సిన అవసరం ఎంతైనా ఉంది. అహ్మదాబాద్ పిచ్ ఫాస్ట్ బౌలర్లకు సహకరం ఉంటుంది. స్పిన్ కు తక్కువే. గిల్, పంత్ ల మధ్య పోరులో ఎవరు నెగ్గుతారో చూడాలి. వార్నర్, మిల్లర్ల బ్యాటింగ్ పైనే రెండు జట్లు ఎక్కువగా ఆశలు పెట్టుకున్నాయి.