Hyderabad Biryani : బిర్యాణీ అంటే అందరికి ఇష్టమే. హైదరాబాద్ థమ్ బిర్యాణీకి మంచి డిమాండ్ ఉంటుంది. దేశంలోనే పేరుపోయిన బిర్యాణీగా మన హైదరాబాద్ కు పేరుంది. హైదరాబాద్ వచ్చిన వారికి బిర్యాణీ తినాలనే కాంక్ష ఉంటుంది. లొట్టలేసుకుంటూ తింటారు. అదే మన హైదరాబాద్ బిర్యాణీ స్పెషల్. దేశంలోనే పేరుగాంచిన బిర్యాణీగా ప్రఖ్యాతి గాంచింది.
మన బిర్యాణీ ఘుమఘుమలు పీల్చితే అమోఘం. హైదరాబాద్ బిర్యాణీ రుచి వేరుగా ఉంటుంది. దీన్ని ప్రముఖ డెలివరీ సంస్థ ఫుడ్ స్విగ్లీ సరఫరా చేస్తోంది. ఆర్డర్ మీద ఎవరికైనా పంపిస్తోంది. దీంతో మన హైదరాబాద్ వాసులు ఈ సంవత్సరం మొదటి ఆరు నెలల్లోనే ఆన్ లైన్ లో 77 లక్షల బిర్యాణీ ఆర్డర్లు చేశారని తెలిపింది. దీంతో మనవారు తిండి విషయంలో ఎంత ముందుచూపుతో ఉన్నారో అర్థమవుతోంది.
ప్రపంచ బిర్యాణీ డే సందర్భంగా స్విగ్లీ ఈ మేరకు లెక్కలు తెలియజేసింది. బిర్యాణీ ఆరగించడంలో మనవారు సైతం ముందంజలో ఉన్నట్లు తెలుస్తోంది. జనవరి 23 నుంచి జూన్ 15 మధ్య సంస్థ ఆర్డర్లు వెల్లడించింది. ఈ ఐదు నెలల కాలంలో బిర్యాణీ ఆర్డర్లు 8.39 శాతం పెరిగాయి. ఆర్డర్లు 150 లక్షలకు పైగా జరిగినట్లు వెల్లడించింది. తొమ్మిది లక్షలకు పైగా ఆర్డర్లు థమ్ బిర్యాణీకి రావడంతో రికార్డు సృష్టంచినట్లు ప్రకటించింది.
హైదరాబాద్ నగరంలో బిర్యాణీ ఆఫర్ చేసే రెస్టారెంట్లు 15 వేలకు పైగా ఉన్నట్లు తెలుస్తోంది. అమీర్ పేట, బంజారాహిల్స్, కొత్తపేట, దిల్ సుఖ్ నగర్, మాదాపూర్, కూకట్ పల్లి ప్రాంతాల్లోనే ఉన్నాయి. ఆర్డర్ల పరంగా చూస్తే కూకట్ పల్లి నుంచి ఆర్డర్లు ఎక్కువగా వచ్చాయని చెబుతున్నారు. తరువాత మాదాపూర్, బంజారాహిల్స్, గచ్చిబౌలి, కొండాపూర్ ఉన్నాయి.
ReplyForward
|