Costely City : వసతి, ఆహారం, రవాణా, దుస్తులు, గృహోపకరణాలను బట్టి కాస్లీయస్ట్ నగరం జాబితాను రూపొందించింది ఓ సంస్థ. 5 ఖండాల్లో నిర్వహించిన ఈ సర్వేలో మన హైదరాబాద్ కు ఈ సారి చోటు లభించింది. అది ఏస్థానం అన్నది పక్కన ఉంచితే ఖండాంతరాలకు మన హైదరాబాద్ పేరు పాకుతుందన్నది సంతోషమే కాదా. భారత్ లో విదేశీయులకు కూడా అత్యంత ఖరీదైన నగరంగా ఈ సిటీ గుర్తింపు దక్కించుకుంది. దేశీయంగా చూస్తే ఈ జాబితాలో ముంబై అగ్ర స్థానాన్ని అందుకుంది. తర్వాత వరుసగా ఢిల్లీ, చెన్సై, బెంగళూర్, కోల్కత్తా, పూణె ఉన్నాయి. ‘మెర్సర్స్ 2023 కాస్ట్ ఆఫ్ లివింగ్ సర్వే’ ఈ వివరాలను వెల్లడించింది.
5 ఖండాల్లో 227 నగరాల్లో ఈ సర్వే నిర్వహించారు. ఆ విశేషాలను తెలుసుకుందాం..
*ప్రపంచం మొత్తం మీద ఖరీదైన నగరాల్లో ముంబైకి 147వ స్థానం దక్కింది. ఢిల్లీ 169, చెన్నై 184, బెంగళూర్ 189, హైదరాబాద్ 202, కోల్కత్తా 211, పూణె 213 స్థానల్లో నిలిచాయి.
*అంతర్జాతీయంగా చూస్తే వరుసగా హాంకాంగ్, సింగపూర్, జూరిచ్ ఫస్ట్ త్రీ ప్లేస్ లను దక్కించుకుంది. చాలా తక్కువ ఖరీదైన ప్రాంతాల్లో హవానా (ఈ ఏడాది ఇది 83 స్థానాలు కోల్పోయింది). పాక్ నుంచి కరాచీ, ఇస్లామాబాద్ చోటును దక్కించుకున్నాయి.
*ముంబైతో పోలిస్తే చెన్నై, హైదారాబాద్, కోల్కత్తా, పూణెల్లో వసతి ఖర్చులు 50 శాతం తక్కువ ఉన్నాయి. ఇక విదేశీ ఉద్యోగులకు కోల్కత్తాలో అత్యంత తక్కువ ఖర్చులు ఉన్నాయి.
*అంతర్జాతీయ ర్యాంకింగ్ లో దేశంలోని నగరాల స్థానాల్లో మార్పులు కనిపించాయి. కరెన్సీ ఊగిసలాటలు, ఐరోపా వంటి దేశాల్లో వస్తువులు, సేవల ధరల్లో మార్పులు ఇందుకు కారణంగా నిలిచాయి.
*విదేశాలకు కార్యకలాపాలు నిర్వహించే ఎంఎన్సీలకు ఆసియా పసిఫిక్ ప్రాంతంలో షాంఘై, బీజింగ్, టోకియోలతో పోలిస్తే ముంబై, ఢిల్లీ మంచి స్థానాలని సంస్థ నివేదికలో వెల్లడించింది.
*ఆసియాలోనే అత్యంత ఖరీదైన అగ్రగామిగా ఉన్న 35 నగరాల్లో ముంబై, ఢిల్లీ ఉన్నాయి. ఆసియా నగరాల్లో ముంబై స్థానం గతేడాదితో పోలిస్తే ఒక స్థనం తగ్గి 27వ స్థానానికి చేరింది.