Kalki India : అద్భుతమైన టీజర్ ద్వారా కామిక్-కాన్లో గ్రాండ్ టైటిల్ అనౌన్స్ మెంట్ తో ప్రకంపనలు సృష్టించిన ప్రభాస్ నటించిన ఫ్యూచరిస్టిక్ సైన్స్ ఫిక్షన్ చిత్రం ‘కల్కి 2898 ఏడీ’ టెక్ ఫెస్ట్ లో హల్ చల్ చేస్తోంది. ఈ కార్యక్రమంలో దర్శకుడు నాగ్ అశ్విన్ పాల్గొని ఐఐటీ విద్యార్థులతో ముచ్చటించారు. ఈ సినిమాకు సంబంధించిన కొన్ని ఆసక్తికర విషయాలను పంచుకున్నారు.
కల్కి కోసం దాదాపు 4 నుంచి 5 సంవత్సరాల జర్నీ అని దర్శకుడు చెప్పారు. ‘సగం సమయం, నేను ఫిల్మ్ మేకింగ్ కంటే ఇంజినీరింగ్ పనుల్లో నిమగ్నమయ్యానని అనుకుంటున్నాను ఎందుకంటే ప్రతిదీ మొదటి నుంచి చేశాను. అదొక గొప్ప అనుభవం’ అని నాక్ అశ్విన్ అన్నారు.
కథా పరంగా, ఇతర అంశాల పరంగా కల్కి గత సైన్స్ ఫిక్షన్ చిత్రాలకు పూర్తి భిన్నంగా ఉంటుందని నాగ్ అశ్విన్ తెలియజేశారు. ‘ఈ కథ తనకంటూ ఒక ప్రత్యేకమైన ప్రపంచంలో సాగుతుంది. అలాగే, అంతర్జాతీయ కోణంలో కూడా, ఇది కొత్తదని నేను అనుకుంటున్నాను ఎందుకంటే మేము భారతదేశాన్ని భవిష్యత్తులో ఎప్పుడూ చూడలేదు. అక్కడ హీరోలు పుట్టడం కోసం మనం ఎప్పుడూ న్యూయార్క్, లండన్ వైపు చూడాల్సిన అవసరం లేదని, ఇప్పుడు మన నగరాలను కూడా చూడగలుగుతున్నామని అన్నారు.
త్వరలోనే ఈ సినిమా విడుదల తేదీని ప్రకటిస్తామని దర్శకుడు తెలిపారు. ప్రభాస్ సలార్ బాక్సాఫీస్ హిట్ కావడంతో తర్వాత వచ్చే మూవీ ‘కల్కి’పై ఆయన ఫ్యాన్స్ తో పాటు టాలీవుడ్ నుంచి బాలీవుడ్ వరకు మరింత ఎగ్జయిటింగ్ గా ఉన్నారు.