Kodali Nani Struggles : జయవాడ మాజీ ఎమ్మెల్మే వంగవీటి రాధాకృష్ణ వివాహం ఇటీవల జరిగింది. ఈ వివాహ వేడుకకు సంబంధించి ప్రతీ రోజు ఏదో ఒక వీడియో సోషల్ మీడియాలో వైరల్ అవుతూనే ఉంది. వివాహానికి జనసేన అధినేత, పవర్ స్టార్ పవన్ కళ్యాణ్ వెళ్లారు. ఆయన వేడుకలకు ప్రత్యేక ఆకర్షణగా నిలిచారు. ఇదే వివాహానికి హాజరైన ఎమ్మెల్యే కొడాలి నాని చేసిన పనిపై సోషల్ మీడియాలో విపరీతమైన చర్చ జరుగుతోంది. ఈ వీడియో ఎక్స్ (ట్విటర్), సోషల్ మీడియా ఖాతాల్లో హల్ చల్ చేస్తుంది.
వంగవీటి ఇంట వివాహ వేడుకకు పవన్ కళ్యాణ్, నాదెండ్ల మనోహర్ తో కలిసి హాజరయ్యారు. ఆయన వస్తున్నారని తెలుసుకున్న జనసేన పార్టీ కార్యకర్తలు, నాయకులు వివాహ వేడుకకు తరలివచ్చారు. దీంతో ఎక్కువ మొత్తంలో గుమికూడిన ఫ్యాన్స్ తో ఆ ప్రాంతం కిక్కిరిసింది. వారిని నిలువరించడం వపన్ బాడీగార్డులకు కూడాకష్టంగా మారింది.
శుభాకాంక్షలు చెప్పేందుకు నాదెండ్ల మనోహర్ తో కలిసి పవన్ కళ్యాణ్ స్టేజీపైకి వెళ్లాడు. దీంతో అభిమానులు ఒక్కసారిగా వేదికపైకి తోసుకువచ్చారు. ఇక అప్పటికే స్టేజీపై ఉన్న కొడాలి నాని గన్ మెన్లు, బాడీగార్డులు వెనకకు నెట్టడం వీడియోలో కనిపించింది. వారికి నచ్చ చెబుతూ కొడాలి ముందుకు వచ్చే ప్రయత్నం చేశాడు. అందులో ఇబ్బంది పడుతున్న నానిని చూసిన పవన కళ్యాణ్ చిరునవ్వు నవ్వుతూ చేయి ఇచ్చారు. దీంతో నాని హ్యాపీ అయినట్లు కనిపించారు.
పవన్ కళ్యాణ్ పై విపరీతమైన ఆరోపణలు చేసే కొడాలి నాని ఆయన దృష్టిలో పడేందుకు బాగానే శ్రమించారని వీడియోలో చూస్తే కనిపిస్తుంది. ఇక ఆయనతో షేక్ హ్యాండ్ కోసం బాగానే ఇబ్బంది పడినట్లు తెలుస్తోంది.
Bouncer 😂🔥 pic.twitter.com/dXDZbaNE28
— జల్సా🚶🏻♂️🇦🇷 (@Jalsa44) October 25, 2023
