Mega Star ChiranJeevi : మెగాస్టార్ చిరంజీవి సినిమాల పరంగా దూకుడు పెంచారు. గాడ్ ఫాదర్, వాల్తేరు వీరయ్య విజయంతో జోరు పెంచారు. ఇప్పటికే భోళా శంకర్ నిర్మాణంలో ఉండగా కల్యాణ్ కష్ణ తో ఓ సినిమాకు ఫిక్స్ అయ్యారు. దీంతో మెగాస్టార్ సినిమాల నిర్మాణంలో వేగవంతమైన నిర్ణయాలు తీసుకుంటున్నారు. ఇందులో భాగంగానే సినిమాలను ఎంచుకుంటున్నారు.
బంగార్రాజు దర్శకుడు కల్యాణ్ కృష్ణ చెప్పిన కథ మెగాస్టార్ కు నచ్చడంతో సినిమా ఓకే చేసినట్లు సమాచారం. ఈ సినిమాను మెగాస్టార్ కుమార్తె సుస్మిత నిర్మిస్తుందని టాక్. దీనిపై త్వరలో అధికారిక ప్రకటన వస్తుంది. గత సంక్రాంతికి వాల్తేరు వీరయ్యతో హిట్ కొట్టిన చిరంజీవి ఈ సంక్రాంతికి కూడా బంపర్ హిట్ కొట్టాలని భావిస్తున్నట్లు చెబుతున్నారు.
వాల్తేరు వీరయ్యతో ధమాకా సాధించిన చిరు మరోమారు హిట్ సాధించాలని ఉవ్విళ్లూరుతున్నారు. ఇందులో భాగంగానే కొత్త వారికి అవకాశాలు ఇస్తున్నారు. పెద్ద దర్శకులతో కాకుండా చిన్న వారితోనే సినిమాలు చేసేందుకు మొగ్గు చూపుతున్నారు. కొరటాల శివ దర్శకత్వంలో చేసిన ఫలితం సున్నాగా రావడంతో ఇక అగ్రదర్శకుల వైపు చూడటం లేదు.
మెగాస్టార్ సినిమా అంటే అభిమానుల్లో ఉండే క్రేజీ అలాంటిదే మరి. అందుకే ఆయన చిత్రాలు మంచి హిట్లు సాధించాలని కోరుకుంటారు. దాని కోసమే వినూత్న రీతిలో కథలు సమకూర్చుకుంటున్నారు. చిన్న దర్శకులైనా పవర్ ఫుల్ కథలతో వస్తే అవకాశం ఇస్తానని చెబుతున్నారు. అందుకే ఇప్పుడు కల్యాణ్ కృష్ణతో చేయడానికి సిద్ధమవుతున్నట్లు సమాచారం.
ReplyForward
|