Pawan kalyan : పవర్ స్టార్ పవన్ కల్యాణ్ హీరోగా హరీష్ శంకర్ దర్శకత్వంలో వస్తున్న సినిమా ఉస్తాద్ భగత్ సింగ్. రాజకీయాల్లో బిజీగా ఉండే పవన్ కల్యాణ్ సినిమాలు కూడా చేస్తున్నారు. ఇందులో భాగంగానే ఉస్తాద్ భగత్ సింగ్ సినిమాలో నటిస్తున్నాడు. పవర్ స్టార్ పవన్ కల్యాణ్ సినిమాల మీద ఎంతటి అంచనాలు ఉంటాయో తెలిసిందే. పవన్ నటన గురించి ప్రత్యేకంగా చెప్పాల్సిన అవసరం లేదు.
హరీష్ శంకర్ పవర్ స్టార్ కాంబినేషన్ లో వచ్చిన గబ్బర్ సింగ్ ఎన్ని రికార్డులు తిరగరాసిందో తెలిసిందే. పవన్ కెరీర్ లోనే అత్యంత ప్రజాదరణ పొందిన చిత్రంగా గుర్తింపు పొందింది. హైదరాబాద్ లోనే 20 థియేటర్లలో 50 రోజులు ఆడింది. 306 కేంద్రాల్లో 50 రోజులు పూర్తి చేసుకుంది. 65 సెంటర్లలో శత దినోత్సవం జరుపుకుంది. హరీష్ శంకర్ పవర్ స్టార్ ల కాంబినేషన్ కు ఉన్న విలువ ఏంటో అందరికి తెలిసిందే.
జనసేన కార్యక్రమాల్లో తలమునకలై ఉన్నా సినిమాల పరంగా కూడా సమయం కేటాయిస్తున్నారు. ఇందులో భాగంగానే ఉస్తాద్ భగత్ సింగ్ కోసం 15 రోజులు కేటాయించడంతో షూటింగ్ శరవేగంగా పూర్తి చేసేందుకు దర్శకుడు ప్లాన్ చేసుకున్నారు. హైదరాబాద్ లోనే దీనికి సంబంధించిన లొకేషన్లు చూసుకున్నారు. దీంతో సినిమా వేగంగా పూర్తి చేసేందుకు సన్నాహాలు చేశారు.
బ్రో సినిమా ఆశించిన విజయం అందుకోకపోవడంతో ఉస్తాద్ భగత్ సింగ్ తో ఆ లోటు భర్తీ చేయాలని చూస్తున్నారు. సినిమాను విజయవంతం చేయాలని హరీష్ శంకర్ పట్టుదలగా ఉన్నాడు. తన శక్తి సామర్థ్యాలను ప్రయోగించి సినిమాను హిట్ చేయాలని చూస్తున్నాడు. దీని కోసం షూటింగ్ వేగంగా పూర్తి చేసి సరైన సమయంలో విడుదల చేయాలని ప్రయత్నాలు ప్రారంభించారు.