Pawan Kalyan : వైసీపీ నేత పేర్ని నాని జనసేన అధినేత పనవ్ కళ్యాణ్ కు వార్నింగ్ ఇచ్చాడు. పవన్ తన వాహనానికి ‘వారాహి’ అని అమ్మవారి పేరు పెట్టారని, ‘నరవాహి’ అని పేరు పెడితే బాగుంటుందన్నాడు. గతంలో చేసిన వ్యాఖ్యలను గుర్తు చేసుకోకుండా పవన్ ఇష్టానుసారంగా వ్యవహస్తున్నాడని అభిప్రాయపడ్డారు. పవన్ నిరంతరం చెప్పులు చూపిస్తున్నారని, నేను కూడా నా రెండు చెప్పులు చూపిస్తానని మీడియా కెమెరా ముందు చూపించారు. ‘జాగ్రత్త పవన్! మీరు నలిగిపోతారు. నేను నా రెండు చెప్పులను మీకు చూపిస్తున్నాను. సినిమా డైలాగులు, అర్థం, పర్థం లేని కబుర్లు చెప్పకండి. మేం కూడా అలాగే చేయగలం’ అని పేర్ని నాని హెచ్చరించారు.
‘వారాహి’ యాత్రలో భాగంగా కత్తిపూడి సభలో పవన్ కళ్యాణ్ బుధవారం వైసీపీ సర్కార్పై చేసిన విమర్శలకు పేర్ని నాని కౌంటర్ ఇచ్చారు. పవన్ కళ్యాణ్ తన లారీకి అమ్మవారి పేరు పెట్టి రాజకీయాలకు వాడుతున్నారని మండిపడ్డారు. జనసేన అధినేత పవన్ కళ్యాణ్ చేసిన ప్రతీ వ్యాఖ్య పచ్చి అబద్ధమని చెప్పారు. పవన్ చంద్రబాబు వ్యూహాలను నమ్మితే అసెంబ్లీకి వెళ్లేరని ఎద్దేవా చేశారు. బాబు కోసం ఇంత దిగజారుడు తనం వద్దన్నారు.
తన సినిమాలను వైసీపీ ప్రభుత్వం అడ్డుకుంటుంది అంటూ పవన్ చేసిన ఆరోపణల్లో ఎలాంటి నిజం లేదన్నారు. తాము అడ్డుకున్న ఒక్క సినిమా పేరునైనా చెప్పగలవా..? అంటూ సవాల్ విసిరారు. ‘అబద్దాలు ప్రచారం చేస్తే మక్కెలు విరిగిపోతాయంటూ’ వార్నింగ్ ఇచ్చారు. హైదరాబాద్లో గులాబీ జెండాను జేబులో పెట్టుకొని తిరుగుతున్నది ఎవరని..? అక్కడ మంత్రి హరీశ్ రావు ఏపీని తిడుతుంటే పవన్ ఎందుకు మాట్లాడటం లేదని ప్రశ్నించారు.
ఆంధ్రప్రదేశ్ ను తెలంగాణ మంత్రి హరీశ్ రావు అవహేళన చేస్తే పవన్ ఆయనను ప్రశ్నించారా.? అని నిలదీశారు. జగన్ మోహన్ రెడ్డి పాలనలో మీ సినిమాలు ఏమైనా దెబ్బతిన్నాయా..? అని పేర్ని పవన్ ను ప్రశ్నించారు. పవన్ కళ్యాణ్ ఇలాగే అరాచకాలకు పాల్పడితే తీవ్ర పరిణామాలు ఎదుర్కోవాల్సి వస్తుందని హెచ్చరించారు.
