Hardik Pandya : కెప్టెన్సీ నుంచి తప్పుకున్న రోహిత్ శర్మ ప్రస్తుతం ముంబై ఇండియన్స్ జట్టులో రెండో స్థానంలో ఆడుతున్నాడు. అయితే హార్థిక్ పాండ్యాను కెప్టెన్ గా నియమించిన తర్వాత కూడా జట్టులో చీలిక రావడంతో పలువురు ఆటగాళ్లు వ్యతిరేకిస్తున్నారు. ఐపీఎల్ ఆరంభంలో రోహిత్ ను హార్థిక్ ప్రత్యేక స్థానాల్లో ఫీల్డింగ్ చేయమని కోరడం పెద్ద దుమారాన్నే రేపిందని చెప్పవచ్చు.
ఇప్పుడు సీజన్ సగంలో ఉన్న నేపథ్యంలో టీ20 వరల్డ్ కప్ లో హార్థిక్ కు రోహిత్ తగిన గుణపాఠం చెబుతాడనే చర్చ జోరందుకుంది. ఐపీఎల్ ముగిసిన వెంటనే T-20 ప్రపంచ కప్ ప్రారంభం కానుండంతో జట్టులో హార్థిక్ పాండ్యా స్థానం ప్రమాదంలో పడిందని వినికిడి.
హార్థిక్ బ్యాటింగ్ ఫామ్ ఇటీవల ఘోరంగా ఉండడంతో బ్యాటింగ్ యూనిట్ పై ప్రతికూల ప్రభావం పడుతోంది. ప్రపంచకప్ కోసం భారత జట్టుకు ఇది అవసరం లేదు. ఒకవేళ పరిస్థితులు చక్కబడితే హార్థిక్ ను రోహిత్ పక్కన పెట్టే అవకాశాలు మెండుగా ఉన్నాయి. అయితే ఇది జరుగుతుందా? మనం చూడాలి.