Vijay & Samantha :
నాగచైతన్యతో విడాకుల తర్వాత సమంత మళ్లీ గ్లామర్ డోస్ పెంచేసింది. ‘పుష్ప’లో ‘ఊ అంటావా మావా.. ఊఊ అంటావా మావ’ అంటూ రెచ్చిపోయింది. సమంత చేసిన ఫస్ట్ ఐటమ్ సాంగ్ ఇదే కావడం విశేషం. ఈ సాంగ్ తో సమంత తన నెక్ట్ సినిమాల్లో ఎలా ఉండబోతుందో ముందుగానే డైరెక్టర్స్.. నిర్మాతలకు హింట్ ఇచ్చేసింది.
సమంత మయోసైటిస్ వ్యాధి బారిన పడిన సమయంలో యశోద.. శాకుంతలం సినిమాలు విడుదలయ్యాయి. అయితే ఈ సినిమాలు ఆమెకు పెద్దగా కలిసి రాలేదు. అయితే విజయ్ దేవరకొండతో కలిసి ఆమె నటించిన తొలి చిత్రం ‘ఖుషీ’. సెప్టెంబర్ 1న ప్రపంచవ్యాప్తంగా విడుదలైన ఈ సినిమాకు తొలి రోజు నుంచే పాజిటివ్ టాక్ వచ్చింది. ఈ సినిమాలో విజయ్..సమంత రోమాన్స్ ప్రేక్షకులను ఆకట్టుకుంది.
‘ఖుషీ’ ప్రమోషన్స్ సమంత దూరం కాగా విజయ్ దేవరకొండ మాత్రం భారీగానే ప్రమోషన్స్ చేస్తున్నారు. ఇటీవల స్టార్ మాలో ప్రారంభమైన ‘బిగ్ బాస్ 7’లోనూ విజయ్ దేవరకొండ సందడి చేశారు. ఖుషీ సినిమా ప్రమోషన్స్ లో భాగంగా అతడు బిగ్ బాస్ కు వెళ్లాడు. ఈ సందర్భంగా నాగార్జున సమంత గురించి అడుగగా ఆమె ట్రీట్మెంట్ కోసం విదేశాలకు వెళ్లినట్లు విజయ్ చెప్పాడు
అయితే ఖుషీ రిలీజ్ కు ముందే సమంత.. విజయ్ దేవరకొండలు ఖుషీ ఖుషీ స్విమ్మింగ్ చేస్తూ కన్పించాడు. ఇందుకు సంబంధించిన వీడియో నెట్టింట్లో ప్రస్తుతం వైరల్ గా మారింది. స్విమింగ్ ఫూల్ లో సమంత హోయలు చూస్తూ కుర్రకారు సైతం తెగ ఖుషీ అవుతున్నారు.
